Wednesday, November 30, 2005

குறுஞ்செய்தியில் குட்டி கணக்கு

சமீபத்தில் குறுஞ்செய்தி சேவையில் எனக்கு வந்த கணக்கு இது. விடை மிக அருகிலிருந்தும், ரொம்ப சுத்தவிட்ட கணக்கு.

1, 3, 4, 6 ஆகிய எண்களை சரியாக ஒருமுறை மட்டும்(கண்டிப்பக ஒருமுறை) பயன்படுத்த வேண்டும். +, -, *, / ஆகிய குறியீடுகளை எத்தனை முறை வேன்டுமானலும் பயன்படுத்தலாம்(சில சமயம் பயன்படுத்தாமல் கூட இருக்கலாம்). விடை சரியாக 24 வர வேண்டும். முயன்று பாருங்கள். எனக்கு வேறு விடைகள் கிடைக்குமா என்று பார்க்கிறேன்.

Tuesday, November 29, 2005

சூடோகு மூலை

இன்றிலிருந்து நமது வலத்துணுக்கில் ஒரு புதிய பகுதி!!!

சூடோகு!!!(கீழே இருக்கு பாருங்க)

சூடோகு பற்றி அறிமுகம் தேவையில்லை என்றெண்ணுகிறேன். இருந்தாலும் தெரியாத ஒன்றிரண்டு பேருக்காக....

மொத்தம் 9x9 கட்டங்கள். இவை 3x3 கட்டங்களாக பிரிக்கப்பட்டுள்ளது. இதில் 1 - 9 வரையிலான எண்களால் நிரப்ப வேண்டும். ஒரு எண் ஒரு வரிசையில் (இடமிருந்து வலம், மேலிருந்து கீழ்) ஒரு தடவைதான் வர வேண்டும். அதே மாதிரி ஒரு எண் அது இருக்கும் 3x3 கட்டத்திலும் ஒரு முறைதான் வர வேண்டும். ஆரம்பத்தில் சில எண்கள் கொடுக்கப்படும். அதிலிருந்து நீங்கள் மற்றவற்றை இட்டு நிரப்ப வேண்டும். குருட்டாம்போக்கில் நிரப்ப முடியாது. ஒவ்வொரு எண்ணையும் தர்க்கரீதியாக(Logical) நிரப்பினால் மட்டுமே முடிக்க முடியும்.

சூடோகு பற்றிய யோசனைகள் வரவேற்கப்படுகின்றன. முக்கியமாக Message Box எப்படி வருகிறது என்று தெரிய வேண்டும்.

வாசகர்களே! சூடோகு நிரப்பி மகிழுங்கள்.

Thursday, November 24, 2005

ஒரு தப்பு நடந்து போச்சு

நம்ம வலைதுணுக்க படிக்கிற, நம்ம ஸாதி ஸனம், எல்லார்ட்டையும் நா மன்னிப்பு கேட்டுக்குறேனுங்க. அன்னைக்கு நம்ம பிளாக் செட்டிங்க்ஸ்ல சும்மா நோண்டிக்கிட்டிருந்தேன். அப்ப கை தவறி(சரி! அது என்ன எழவுன்னு தெரியாமத்தான்) Comment Moderationஐ Enable பண்ணிட்டேன். அதுனால எல்லாரொட Commentங்களும் என்னோட mail boxக்கு பொயிருச்சு. இப்ப அதை Disable பண்ணிட்டேன். அசவுகரியத்துக்கு வருந்துறேனுங்க.:(

Wednesday, November 23, 2005

ஆங்கிலப் புதிர் - விடை

என்னன்னு தெரியலை! கடைசியா கேட்ட ஆங்கிலத்தில் ஒரு கேள்விக்கு யாரும் விடை சொல்ல முயற்சிகூட செய்யவில்லை. ஒரு வேளை அதிலிருந்த டெக்னிக்கல் பிராப்ளம் காரணமோ?

ஆங்கிலத்தில் அதிகமா உபயோகிக்க படற எழுத்து எது தெரியுமா? "E". இந்த "E" அந்த ஆங்கில பத்தியில் ஒரு இடத்தில்கூட இல்லைன்றதுதான் அந்த பத்தியோட அசாதாரணம்.

Tuesday, November 22, 2005

சென்னையில் கிரிக்கெட்

Monday, November 21, 2005

ஆங்கிலத்தில் ஒரு கேள்வி

கீழே கொடுக்கப்பட்டுள்ளது ஒரு அசாதாரணமான ஆங்கில பத்தி. இந்த ஆங்கில பத்தியில் என்ன அசாதாரணம்ன்னு கண்டுபிடிங்க பார்ப்போம்.

This is an unusual paragraph. I'm curious how quickly you can find out what is so unusual about it. It looks so plain you would think nothing is wrong with it. In fact, nothing is wrong with it! It is unusual though. Study it, and think about it, but you still may not find anything odd. But if you work at it a bit, you might find out. Try to do so without any coaching!

Thursday, November 17, 2005

கேக்கு கணக்கு

இன்னைக்கு ஒரு கேக்கு கணக்கு கேக்கலாம்னா, கேக்கறதுக்குள்ள எனக்கு ஒரு கேக்கு மிஸ்ஸாயிருச்சி. சரி! இப்ப கணக்க பாக்கலாம். என்னோட நண்பனோட காதலிக்கு இன்னைக்கு பிறந்தநாள். அவளுக்கு கொடுக்கறதுக்குன்னு தலைவர் கேக் டப்பா வாங்கிட்டு போனார். ஆனாப் பாருங்க அவள பார்க்க போற வழியிலே அவனோட நண்பன் பழனி வந்துட்டான். எழவெடுத்தவன் வந்துட்டானேன்னு, வேற வழியில்லாம கொண்டு போன கேக்கில் பாதிய அவனுக்கு கொடுத்தான். ஆனா நம்ம பழனிக்கு பெரிய மனசு! ஒரு கேக்க திருப்பி கொடுத்துட்டான். ஆனாலும் நம்மாளுக்கு கெரகம் விடலை. இதே மாதிரி போற வழியில அவனோட நண்பர்கள் ஆறு பேர், ஒருத்தர் மாத்தி ஒருத்தரா பார்த்தான். ஒவ்வொருத்தருக்கும் தன்னோட கையிலிருந்த கேக்கில் பாதிய கொடுத்தான்(தர்மபிரபுபுபு...). அதே மாதிரி எல்லா நண்பர்களுமே ஒரு கேக்க திரும்ப கொடுத்துட்டாங்க. கடைசியா நம்ம தங்கச்சி(அதாங்க, அவன் காதலி! சே எப்பவும் அண்ணனாவே இருக்கேன்!?!) கைல ரெண்டே ரெண்டு கேக்கை போய் கொடுத்திருக்கான்.

இப்ப கணக்கு என்னன்னா நம்ம நண்பன் மொதல்ல எத்தன கேக் எடுத்துட்டுப் போனான்? இது பெரிய கணக்கான்னு கேக்கறீங்களா? சின்ன கணக்குதான். ஆனா நல்ல (சுவையான) கணக்கு.

Saturday, November 12, 2005

வார்த்தை விளையாட்டு - 2

ஐ! இந்த விளையாட்டு நல்லா இருக்கு!! இன்றைக்கு மேலும் சில வார்த்தைகள்.

1) வானம்
----தே
----ன்

2) புறா புறா

3) கநிலவுண்

4) திக்கு காட்டில்

Friday, November 11, 2005

வார்த்தை விளையாட்டு

கொஞ்சம் ஜாலியா வார்த்தை விளையாட்டு விளையாடலாம், வாரீங்களா? கீழே உள்ள வார்த்தைகள் என்னென்னன்னு கண்டுபிடிங்க பார்ப்போம்."-"குறிகளை கணக்கிலெடுக்காதீர்கள்.

1)
நீ
-ர்

2)
தூமீண்டின்ல்

3)
கா வி ரி

4)
பூக்ள்

Thursday, November 03, 2005

அவ்வளவு கடினமா?

போன துணுக்கில் கேட்கப்பட்ட கேள்வி அவ்வளவு கடினமா என்ன? யாருமே சரியாக பதிலளிக்கவில்லை. அதற்கான விடை.

அ) 3

ஆ) 1

இ) 2