கயிறு திரிக்கிறாங்க

வர வர நம்ம வலைத்துணுக்கில் வரும் துணுக்குகளுக்கு கன்னாபின்னான்னு பெயர் வைக்கிறேனுல்ல. என்ன பண்றது! எல்லாம் நான் படிக்கிற பத்திரிக்கைகளின் சகவாச தோசம்தான் (புதுசு! கண்ணா! புதுசு). சரி இப்ப கயிறைப் பற்றி யோசிப்போம்.

இரண்டு கயிறுகள் உள்ளன. இரண்டும் (தனி தனியே) எரிந்து முடிக்க ஒவ்வொன்றிற்கும் 1 மணி நேரம் ஆகும். ஆனால், இரண்டும் முழு நீளத்திற்கும் ஒன்று போல் இருக்காது. எனவே அவை பாதி எரிந்தால் 1/2 மணி நேரம் என்றெல்லாம் கணக்கிட முடியாது. இவை இரண்டையும் வைத்து 45 நிமிடங்களை கணக்கிட வேண்டும். முக்கியமான விஷயம், இதை செய்யும் பொழுது உங்கள் கையில் watch இருக்கக் கூடாது (நான் computerலே time பார்த்துப்பேனே).