யோசிங்க

கலைமொழி 10

2012-01-20T10:19:00.001+05:30

புதியவர்களுக்காக இந்த விளையாட்டை ஆடும் முறை :- கீழே உள்ள கட்டங்களில் உள்ள தமிழ் எழுத்துக்களில் ஒன்று அல்லது ஒன்றுக்கு மேற்பட்ட வாக்கியங்கள் ஒளிந்து இருக்கின்றன. அதைக் கண்டுபிடிப்பதில்தான் உங்கள் சாமர்த்தியம்!! இடமிருந்து வலமாக வரும் ஒவ்வொரு வார்த்தைக்கும் இடையில் இடைவெளி(கறுப்புக் கட்டங்கள்) உள்ளன. உதாரணமாக கீழே உள்ளப் புதிரில் முதல் வரிசையில் முதல் ஐந்து கட்டங்களில் ஒரு வார்த்தை, அடுத்த எட்டு கட்டங்களுக்குள் ஒரு வார்த்தை என்று வர வேண்டும். எழுத்துக்களை ஒழுங்குபடுத்த மேலிருந்து கீழாக வரும் கட்டங்களில் உள்ள எழுத்துக்களை மட்டும் மாற்றி மாற்றிப் போட வேண்டும். ஆனால் எழுத்துக்களை இட வலமாக வேறு கட்டங்களுக்கு மாற்றக் கூடாது. எழுத்துக்களை இங்கேயே க்ளிக் செய்து இடமாற்ற முடியும்.

சென்ற கலைமொழிக்கான விடை :- கரும்பு எப்படிமா இருக்கும் கருப்பாக இனிப்பாக இருக்கும் என்று படித்திருக்கிறேன் இப்ப கரும்பு எங்க கிடைக்கும் இப்ப எங்கேயும் கிடைக்காதுடி அனைவருக்கும் இனிய பொங்கல் வாழ்த்துக்கள்!!!

விடை கூறியவர்கள் :- ஹரிஹரன், முத்து, பூங்கோதை, 10அம்மா, கலை, ராமசாமி ஆகியோர்.

கலைமொழி - 9

2012-01-13T10:33:00.000+05:30

கலைமொழி போன்ற வார்த்தை விளையாட்டுக்களை ஒவ்வொரு முறை வெளியிடும்போதும், அறிவிப்பதற்கென vaarthai_vilayaatu@googlegroups.com என்ற கூகிள் மடல் குழுவை ஆரம்பித்திருக்கிறேன். தொடர்ந்து வார்த்தை விளையாட்டுக்கள் பற்றிய அறிவிப்புகளை அறிந்து கொள்ளவும், வெளியிடவும் ஆர்வமிருப்பவர்கள் இதில் இணைந்து கொள்ளுமாறு அன்புடன் அழைக்கிறேன்.

அநேகமாய் இதுதான் எனது பொங்கல் பதிவாக இருக்கும் என்பதால், அனைவருக்கும் எனது இனிய பொங்கல் திருநாள் வாழ்த்துக்கள்!!!

இந்த முறை பேச்சு வழக்கு இருக்கலாம். மேலும் வாக்கியங்களுக்கிடையில் சில இடங்களில் தொடர்பு இல்லாமலும் இருக்கலாம்!!;)

புதியவர்களுக்காக இந்த விளையாட்டை ஆடும் முறை :- கீழே உள்ள கட்டங்களில் உள்ள தமிழ் எழுத்துக்களில் ஒன்று அல்லது ஒன்றுக்கு மேற்பட்ட வாக்கியங்கள் ஒளிந்து இருக்கின்றன. அதைக் கண்டுபிடிப்பதில்தான் உங்கள் சாமர்த்தியம்!! இடமிருந்து வலமாக வரும் ஒவ்வொரு வார்த்தைக்கும் இடையில் இடைவெளி(கறுப்புக் கட்டங்கள்) உள்ளன. உதாரணமாக கீழே உள்ளப் புதிரில் முதல் வரிசையில் முதல் ஐந்து கட்டங்களில் ஒரு வார்த்தை, அடுத்த எட்டு கட்டங்களுக்குள் ஒரு வார்த்தை என்று வர வேண்டும். எழுத்துக்களை ஒழுங்குபடுத்த மேலிருந்து கீழாக வரும் கட்டங்களில் உள்ள எழுத்துக்களை மட்டும் மாற்றி மாற்றிப் போட வேண்டும். ஆனால் எழுத்துக்களை இட வலமாக வேறு கட்டங்களுக்கு மாற்றக் கூடாது. எழுத்துக்களை இங்கேயே க்ளிக் செய்து இடமாற்ற முடியும்.

கலைமொழி 8 விடை :- கடலிலே நீங்கள் எவ்வளவு புயல்களைச் சந்தித்தீர்கள் என்பதைப் பற்றி உலகத்துக்கு அக்கறை இல்லை. கப்பலைக் கரைக்குக் கொண்டு வந்து சேர்த்தீர்களா? அதில்தான் அக்கறை.

விடை கூறியவர்கள் :- பூங்கோதை, இளந்தென்றல், ஹேமா, மாதவ், 10அம்மா, ராமசாமி, அரசு. அனைவருக்கும் நன்றி!!

கலைமொழி - 8 மற்றும் சில....

2012-01-06T11:37:00.000+05:30

சென்ற புதிருக்கு ஆளாளுக்கு வித விதமா யோசிச்சி பதில் சொல்லியிருந்தாங்க. சந்தோஷமா இருந்தது. ஒரு மாதிரியா ஒரு பத்து பேர் தொடர்ந்து இந்த விளையாட்டை விளையாடறாங்க. அதுக்கும் மேல செல்ஃப் எடுக்க மாட்டேங்குது. பரவாயில்லை!!

என்னைத் தவிர மனு, பூங்கோதை, 10அம்மா ஆகியோர் இவ்வகைப் புதிர்களை உருவாக்கி வருகின்றனர். இவர்கள் மூவரும் இதுவரை எந்தத் திரட்டியிலும் தங்கள் வலைத்தளங்களை இணைக்கவில்லை என்பதால் இங்கே சிறு விளம்பரம்.

மனு - http://tamilpuzzles.blogspot.com/ - இவரது வலைத்தளத்தில் கணிதம், சொல் விளையாட்டுக்கள், லாஜிக் புதிர்கள் என்று பல வகைப் புதிர்கள் போட்டுக் கலக்குகிறார். இவரது லேட்டஸ்ட் புதிர் லாஜிக் புதிர். அடிக்கடி ஒரு எட்டு போய் பாருங்கள்.

பூங்கோதை :- http://www.tamilpuzzles.com/ - வீக் எண்ட் விளையாட்டுகள். சொல்லாங்குழி, கலைமொழி, குறுக்கெழுத்து, குறள்வளை என்று சொல் விளையாட்டுக்களாக வாரா வாரம் கலக்குகிறார்.

10அம்மா :- http://galagalakudumbam.blogspot.com/ - இப்பொழுதுதான் ஆரம்பித்திருக்கிறார். இப்போதைக்கு கலைமொழி விளையாட்டு மட்டும் தான் போடுகிறார். விரைவில் மற்ற வகைப் புதிர்களும் போடுவதாக உறுதியளித்திருக்கிறார். இவரது லேட்டஸ்ட் கலைமொழியில் ஒரு விடுகதையை உள்ளடக்கியிருந்தது சிறப்பாக இருந்தது.

கலைமொழி விளையாட்டை எப்படி விளையாடுவது :- கீழே உள்ள கட்டங்களில் உள்ள தமிழ் எழுத்துக்களில் ஒன்று அல்லது ஒன்றுக்கு மேற்பட்ட வாக்கியங்கள் ஒளிந்து இருக்கின்றன. அதைக் கண்டுபிடிப்பதில்தான் உங்கள் சாமர்த்தியம்!! இடமிருந்து வலமாக வரும் ஒவ்வொரு வார்த்தைக்கும் இடையில் இடைவெளி(கறுப்புக் கட்டங்கள்) உள்ளன. உதாரணமாக கீழே உள்ளப் புதிரில் முதல் வரிசையில் முதல் ஐந்து கட்டங்களில் ஒரு வார்த்தை, அடுத்த எட்டு கட்டங்களுக்குள் ஒரு வார்த்தை என்று வர வேண்டும். எழுத்துக்களை ஒழுங்குபடுத்த மேலிருந்து கீழாக வரும் கட்டங்களில் உள்ள எழுத்துக்களை மட்டும் மாற்றி மாற்றிப் போட வேண்டும். ஆனால் எழுத்துக்களை இட வலமாக வேறு கட்டங்களுக்கு மாற்றக் கூடாது. எழுத்துக்களை இங்கேயே க்ளிக் செய்து இடமாற்ற முடியும்.

கலைமொழி - 7 விடை :- நீங்க அறிவாளின்னா, இந்தக் கேள்விக்கு பதில் சொல்லுங்க பார்க்கலாம். பாட்டி வடை சுட்ட கதையில வடைய சுட்டது பாட்டியா? காக்காவா? உடனடியா பதில் தேவை

கலைமொழி - 7 விடை கூறியவர்கள் :- மாதவ், அரசு, கலை, ஹேமா, 10அம்மா, முத்து, ஜி.கே.சங்கர், பூங்கோதை, ராமசாமி, அகிலா ஸ்ரீராம்

கணிதக் குறுக்கெழுத்து - விடை

2012-01-05T10:41:00.000+05:30

மனு மட்டுமே விடையளித்திருந்தார்.

கலைமொழி - 7

2012-01-03T10:57:00.000+05:30

எப்படி விளையாடுவது என்று தெரிந்து கொள்ள - http://yosinga.blogspot.com/2011/12/4.html

இந்த முறை BEWARE OF பேச்சு வழக்கு!!!

கலைமொழி - 6 விடை : இந்த ஆட்டுக்கும் நம்ம நாட்டுக்கும் ஒரு கூட்டு இருக்குது. கோனாரே இதை ஓட்டி ஓட்டித் திரிபவர்கள் ஓரு முடிவும் காணாரே

விடை சொன்னவர்கள் :- பூங்கோதை, மனு, முத்து, ஹேமா, இளந்தென்றல், ஹரி, ராமசாமி, பத்மா, ஸ்ரீதேவி, அரசு. அனைவருக்கும் வாழ்த்துக்கள் மற்றும் நன்றி!!

1 டூ 9 விடை

2012-01-03T10:47:00.001+05:30

இப்போதைக்கு விடை மட்டும் சொல்லிடறேன். எப்படி வரும்னு தெரிஞ்சுக்கனும்னா, ஒரு தனி மெய்ல் தட்டி விடுங்க. இப்போதைக்கு தமிழ்ல அதை எக்ஸ்ப்ளெய்ன் பண்றதுக்கு ஆயாசமா இருக்கு.

சரியான விடை : 381654729

சரியான விடை சொன்னவர்கள் ரமேஷ் கார்த்திகேயன், முத்து, ஹேமா, தமிழினி.

கலைமொழி - 6

2011-12-30T16:20:00.000+05:30

சென்ற முறை ”ஆல்பர்ட் ஐன்ஸ்டீன் சொல்லியது” என்பதை ”சொல்லியது ஐன்ஸ்டீன் ஆல்பர்ட்” என்றும் பொருத்த முடிந்தது. இரண்டுமே அர்த்தம் தரவே செய்கிறது. நான் முதலிலேயே கவனிக்காமல் விட்டு விட்டேன். அரசு, அகிலா ஸ்ரீராம் இருவரும் இப்படி விடையளித்திருந்தார்கள். மீண்டும் இப்படி நிகழாது என்று நம்புவோம்.!!!:)

இன்று ரொம்பவும் சின்னப் புதிர்தான்!!

எப்படி விளையாடுவது? - http://yosinga.blogspot.com/2011/12/4.html

கலைமொழி 5 விடை :- ஆல்பர்ட் ஐன்ஸ்டீன் சொல்லியது , "அவ்வப்போது என்னை பைத்தியம் பிடிக்க வைக்கும் கேள்வி- நான் பைத்தியமா, இல்லை மற்றவர்களா?"

கலைமொழி -5 க்கான விடை சொன்னவர்கள் முத்து, பூங்கோதை, மாதவ், கலை, அரசு, ஹேமா, சின்னகனி, பத்மா, ஸ்ரீதேவி, அகிலா ஸ்ரீராம், ஹரி ஆகியோர். அனைவருக்கும் வாழ்த்துக்கள்.

தி பேங்க் ஜாப் விடை சொன்னவர்கள் : ராமச்சந்திரன் வைத்தியநாதன், அகிலா ஸ்ரீராம், ஈரோடு கோடீஸ், ராம்ஜி யாஹூ, வெண்பூ, முத்து ஆகியோர். இது எளிதானப் புதிர் என்பதால் வாழ்த்துக் கிடையாதுன்னு சொல்லிடுவோமா?!? ஓகே இதுக்கும் வாழ்த்துக்கள்.

அப்புறம் எல்லாருக்கும் இன்னொரு முக்கியமான வாழ்த்து.
இனிய புத்தாண்டு வாழ்த்துக்கள்!!!

1 டூ 9 தெரியுமா?!?

2011-12-27T12:51:00.001+05:30

ஒரு ஒன்பது இலக்க எண். ஒவ்வொரு இலக்கமும் 1லிருந்து 9வரையிலான வெவ்வேறு எண்கள்.

இடமிருந்து வலமாக முதல் இலக்கம் 1ஆல் வகுபடும். முதல் இரு இலக்கங்களாலான எண் 2ஆல் வகுபடும். முதல் மூன்று இலக்கங்களாலான எண் 3 ஆல் வகுபடும், முதல் நான்கு இலக்கங்களாலான எண் நான்கால் வகுபடும்.......ஒன்பது இலக்க எண் 9ஆல் வகுபடும். (அதாவது if abcdefghi is a nine digit number, a is divisible by 1, ab is divisible by 2, abc is divisible by 3.....)

அப்படியென்றால் அந்த ஒன்பதிலக்க எண் எது?

கலைமொழி - 5

2011-12-27T12:35:00.002+05:30

ரூல்ஸ் அண்ட் ரெகுலேஷன்ஸ் : கீழே உள்ள கட்டங்களில் உள்ள தமிழ் எழுத்துக்களில் ஒன்று அல்லது ஒன்றுக்கு மேற்பட்ட வாக்கியங்கள் ஒளிந்து இருக்கின்றன. அதைக் கண்டுபிடிப்பதில்தான் உங்கள் சாமர்த்தியம்!!

இடமிருந்து வலமாக வரும் ஒவ்வொரு வார்த்தைக்கும் இடையில் இடைவெளி(கறுப்புக் கட்டங்கள்) உள்ளன. உதாரணமாக கீழே உள்ளப் புதிரில் முதல் வரிசையில் முதல் ஐந்து கட்டங்களில் ஒரு வார்த்தை, அடுத்த எட்டு கட்டங்களுக்குள் ஒரு வார்த்தை என்று வர வேண்டும்.

எழுத்துக்களை ஒழுங்குபடுத்த மேலிருந்து கீழாக வரும் கட்டங்களில் உள்ள எழுத்துக்களை மட்டும் மாற்றி மாற்றிப் போட வேண்டும். ஆனால் எழுத்துக்களை இட வலமாக வேறு கட்டங்களுக்கு மாற்றக் கூடாது. எழுத்துக்களை இங்கேயே க்ளிக் செய்து இடமாற்ற முடியும்.

இன்னொரு கலைமொழிப் புதிர் அமைப்பவர் உருவாகியிருக்கிறார். அவரது கலைமொழி இங்கே - http://galagalakudumbam.blogspot.com/

கலைமொழி 4க்கான விடை :- எல்லோரும் உன்னிடமிருந்து விலகிப் போனால் யாருமே உன்னருகில் வருவதில்லையானால் நீ தனிமையாக்கப் பட்டதாக உணர்வாயானால் அதற்காக வருத்தப்படாமல் ஒன்று புரிந்து கொள். அப்பொழுது நீ கண்டிப்பாக குளித்தாக வேண்டும்.

கலைமொழி 4 விடையளித்தவர்கள் :- மாதவ், ஜி.கே.சங்கர், பூங்கோதை, ஹேமா, பத்மா, அனி, அருண், குமரகுரு, ராமசாமி, முத்து

தி பேங்க் ஜாப்

2011-12-26T13:13:00.001+05:30

இது ஒரு எளிய கணிதக் கேள்வி. நீங்கள் வங்கியில் நூறு ரூபாய் டெபாஸிட் செய்திருக்கிறீர்கள். பின்னர் அதை ஆறு தடவைகளில் கீழே உள்ள மாதிரி கொஞ்சம் கொஞ்சமாக எடுக்கிறீர்கள்.

எடுத்தது	பேலன்ஸ்(மீதம் இருந்தது)
ரூ 50	ரூ 50
ரூ 25	ரூ 25
ரூ 10	ரூ 15
ரூ 8	ரூ 7
ரூ 5	ரூ 2
ரூ 2	ரூ 0

ரூ 100

ரூ 99

எல்லாம் எடுத்து முடித்தபின் எடுத்த தொகைகளையும், பேலன்ஸ் இருந்த தொகைகளையும் கூட்டிப் பார்த்தால் ஒரு ரூபாய் வித்தியாசம் வருகிறதே?!? அந்த ஒரு ரூபாய் யார்கிட்ட இருக்கு???

கணிதக் குறுக்கெழுத்துப் புதிர்

2011-12-23T13:21:00.000+05:30

இந்த முறை கணிதக் குறுக்கெழுத்து. சுடோகு போல் இருக்காது என்றாலும் ரொம்பவும் காம்ப்ளக்ஸான கணித அறிவும் தேவையில்லை. Triangular Number, hexoganal number, automorphic number போன்ற வார்த்தைகளைப் பார்த்து மிரள வேண்டாம். கூகிளே துணை என்று கொண்டோர்க்கு குறைவொன்றுமில்லை. எண்களின் லிஸ்ட்டே கிடைக்கிறது. அதனால அவ்வளவு கஷ்டமாயிராது. என்ன, கொஞ்சம் பொறுமை தேவை - தேடிப் படிப்பதற்கும், அதை இங்கே பொருத்திப் பார்ப்பதற்கும்!

முழுமையாகத் தமிழ் வார்த்தைகள் கொடுக்க முடியாததற்கு வருந்துகிறேன்!!

a		b		c

d	e		f

g		h		i

j

குறுக்காக :-

a) ஒரு Fibonacci எண்.(5)
(Fibonacci தமிழில் வேறு பெயர் உண்டா?!)

d) இந்த எண்ணின் வர்க்க மூலத்தில்(Square Root) முதல் இலக்கமும் கடைசி இலக்கமும் ஒரே எண்.(7)

g) 90709 என்ற பாலிண்ட்ரோமால்(Palindrome) வகுபடும் ஒரு எண். இரு 5கள் தொடர்ந்து வரும் ஒரு எண்.(7)
(Palindromeக்கு தமிழில் சரியான வார்த்தை என்ன?)

j) இரண்டே இரண்டு எண்களின் தொகுப்பாலான ஒரு பகா எண்(Prime Number). இரண்டு எண்களும் இடைவெளி இல்லாமல், தொடச்சியாகவே அமைந்துள்ளன. அதாவது xxyyy, xyyyy,xxxyy, xxxxy போன்று இருக்கலாம்; xxyxy,xyyxx போன்றெல்லாம் இருக்காது.(5)

நெடுக்கு :-

a) ஒரு முக்கோண எண்(Triangular Number). முக்கோண எண் என்பது 1+2+3+4+....என்ற கூட்டுத்தொகைகளில் கிடைக்கும் எண்கள். (3)

(முக்கோண எண் என்பது சரியான பதம்தானா?!?)

b) ஒரு அறுங்கோண எண்(Hexagonal Number). மேலும் Narcissistic Number.(3)

(ஆம்ஸ்ட்ராங் எண் என்று கேள்விப்பட்டிருப்பீர்களே!)

c) பத்தொன்பதால் வகுபடும் ஒரு பாலிண்ட்ரோம்(Palindrome).(3)

e) பை(π) தெரியுமல்லவா? அதன் மதிப்பில் புள்ளிக்குப் பின் ”இத்தனையாவது” இடத்தில் மூன்று பூஜ்யங்கள் தொடர்ந்து வரும். அது எத்தனையாவது?!?;-).(3)

f) இதன் வர்க்கத்தை(Square), 3ஆல் பெருக்கினால், வரும் விடையில் கடைசி மூன்று இலக்கங்களும் இதே எண் வரும். இதற்குப் பெயர் "3-automorphic".(3)

g) இந்த எண்ணின் கணத்தில்(Cube) நான்கு 7கள் தொடர்ந்து வரும். இப்படிப்பட்ட எண்ணில் இது மிகவும் சிறிய எண்.(3)

h) இது ஒரு Tribonacci எண்.(3)

i) எல்லா எண்களும் இரட்டை. மேலும் அடுத்தடுத்த மூன்று எண்களின் கணங்களின்(cubes) கூட்டுத் தொகை.(3)

Ref :- http://www2.stetson.edu/~efriedma/numbers.html

கலைமொழி - 4

2011-12-23T12:07:00.000+05:30

கலைமொழிப் புதிரால் ஈர்க்கப்பட்ட திரு.ராமசாமி, வெறும் ”நெடுக்காக” என்ற பதம் சரியாகப் புரியவில்லை என்று, இந்த விளையாட்டை ஆடுவது பற்றி ஒரு விளக்கமும் எழுதிக் கொடுத்துள்ளார். அவரது விளக்கம் கீழே...

இது மாயக்கட்டமுமில்லை, மந்திரமும் இல்லை. சாதாரண அறிவு விளையாட்டுதான். கீழே உள்ள கட்டங்களில் உள்ள தமிழ் எழுத்துக்களில் ஒன்று அல்லது ஒன்றுக்கு மேற்பட்ட வாக்கியங்கள் ஒளிந்து இருக்கின்றன. அதைக் கண்டுபிடிப்பதில்தான் உங்கள் சாமர்த்தியம்!!

இடமிருந்து வலமாக வரும் ஒவ்வொரு வார்த்தைக்கும் இடையில் இடைவெளி(கறுப்புக் கட்டங்கள்) உள்ளன. உதாரணமாக கீழே உள்ளப் புதிரில் முதல் வரிசையில் முதல் ஐந்து கட்டங்களில் ஒரு வார்த்தை, அடுத்த எட்டு கட்டங்களுக்குள் ஒரு வார்த்தை என்று வர வேண்டும்.

எழுத்துக்களை ஒழுங்குபடுத்த மேலிருந்து கீழாக வரும் கட்டங்களில் உள்ள எழுத்துக்களை மட்டும் மாற்றி மாற்றிப் போட வேண்டும். ஆனால் எழுத்துக்களை இட வலமாக வேறு கட்டங்களுக்கு மாற்றக் கூடாது. எழுத்துக்களை இங்கேயே க்ளிக் செய்து இடமாற்ற முடியும்.

மிகவும் எளிதான ஆட்டம். ஆனால் சுவாரஸ்யமான ஆட்டம். ஆடித்தான் பாருங்களேன்!

கலைமொழி 3க்கான விடை :- ஜீனோ தாவி நின்று கொண்டு பதினைந்து செகண்டுக்கு ஒரு முறை வாலாட்டி அவ்வப்போது வவ் வவ் என்று குரைத்தது

சென்ற முறை சுஜாதா என்பதே ஒரு க்ளூவாகிப் போனது. இனிமேல் நம் மக்களுக்கு க்ளூ எதுவும் தேவைப்படாது என்று நினைக்கிறேன். ஏனென்றால் இது நாவல்களில் வந்ததோ, பிரபல எழுத்தாளர்கள் யாரும் எழுதியதோ கிடையாது. கொஞ்சம் கடினமாக இருக்கும் என்று நம்புகிறேன்.

கலைமொழி 3க்கு விடையளித்தவர்கள் :- பூங்கோதை, கலை, ஹரிஹரன், ஹேமா, முத்து, பத்மா, அனிதா, அருந்ததி, ராமசாமி, ஹரி, மாதவ். அனைவருக்கும் வாழ்த்துக்கள் மற்றும் நன்றி!!!

எச்சரிக்கை : இன்னும் சில மணி நேரங்களில் கணிதக் குறுக்கெழுத்தை எதிர்பாருங்கள்!!

கலைமொழி - நீங்களே எளிதாகப் புதிரமைக்கலாம்

2011-12-22T10:32:00.002+05:30

இந்தக் கலைமொழி விளையாட்டு பலரைக் கவர்ந்திருக்கிறது என்று நம்புகிறேன். அறிமுகப்படுத்திய நண்பர் மனுவுக்கு நன்றி.

தமிழில் இந்த விளையாட்டு புதிதுதான். அதனால் பலரும் இந்த வகைப் புதிரை அமைக்க ஆரம்பித்தால்(புதிரை விடுவிப்பது அல்ல. புதிர் உருவாக்குவது) இந்த விளையாட்டின் மற்ற பரிமாணங்களையும் நாம் உணர முடியும் என்று நாங்கள் நம்புகிறோம்.

இவ்வகை புதிரை எளிதாக உருவாக்க நான் ஒரு ஆன்லைன் செயலி வடிவமைத்திருக்கிறேன். http://free.7host07.com/yosippavar/kalaimozhi//kalaimozhi.html - இங்கே சென்றால் நீங்களே ஒரு புதிரை வடிவமைத்து Html Code ஆக ஆன்லைன் வடிவத்தைப் பெற்று உங்கள் தளத்தில் வெளியிட முடியும்.

உபயோகித்துப் பார்த்து உங்கள் கருத்துக்களைக் கூறுங்கள்.

உபசெய்தி : நண்பர் பூங்கோதை தனது முதல் கலைமொழியை இந்த செயலி மூலம் வடிவமைத்து வெளியிட்டிருக்கிறார் - http://www.tamilpuzzles.com/2011/12/18/km1/. அதையும் விளையாடி மகிழுங்கள்.

கலைமொழி - 3

2011-12-21T11:49:00.000+05:30

இன்று சுஜாதா எழுதியது.

எச்சரிக்கை : தமிங்கில வார்த்தைகள் கலந்திருக்கலாம்.

விளையாட்டு விதிமுறை/விளக்கம் : கீழே உள்ள கட்டங்களில் ஒரு பத்தி(Paragraph) நெடுக்காக மட்டும் (Only Columnwise) கலைந்துள்ளது(jumbled). பத்தி என்று சொல்லிவிட்டதால், அது ஒன்றுக்கு மேற்பட்ட வாக்கியங்கள் கொண்டதாகவும் இருக்கலாம். கறுப்புக் கட்டங்கள் வார்த்தை/வாக்கிய முடிவுகளை குறிக்கின்றன. அவற்றை நீங்கள் இடம் மாற்ற முடியாது. எழுத்துக்களை மட்டும், அதுவும் நெடுக்காக மட்டும் இடம் மாற்ற முடியும்.

ஆன்லைனிலேயே விளையாடும்படி நிரலி எழுதியிருக்கிறேன். எழுத்துக்களை எளிதாக க்ளிக் செய்தே நீங்கள் இடம் மாற்றலாம்.

கலைமொழி 2க்கு வரவேற்பு நன்றாக கூடியிருந்தது. இந்த முறை விடை சொன்னவர்கள் மனு, ஹரி பாலகிருஷ்ணன்,ஹரிஹரன், முத்து, பூங்கோதை, பத்மா, அருந்ததி, ராமசாமி, மாதவ். அனைவருக்கும் நன்றி!

கலைமொழி 2 விடை :- மகேந்திர பல்லவ சக்கரவர்த்தி பாசறைக்கு வந்து விட்டார் என்று குதூகலமான மறுமொழி கேட்டது

கலைமொழி - 2

2011-12-17T10:57:00.001+05:30

சென்ற முறை பொசெ! இந்த முறை சிச!!

விளையாட்டு விதிமுறை/விளக்கம் : கீழே உள்ள கட்டங்களில் ஒரு பத்தி(Paragraph) நெடுக்காக மட்டும் (Only Columnwise) கலைந்துள்ளது(jumbled). பத்தி என்று சொல்லிவிட்டதால், அது ஒன்றுக்கு மேற்பட்ட வாக்கியங்கள் கொண்டதாகவும் இருக்கலாம். கறுப்புக் கட்டங்கள் வார்த்தை/வாக்கிய முடிவுகளை குறிக்கின்றன. அவற்றை நீங்கள் இடம் மாற்ற முடியாது. எழுத்துக்களை மட்டும், அதுவும் நெடுக்காக மட்டும் இடம் மாற்ற முடியும்.

ஆன்லைனிலேயே விளையாடும்படி நிரலி எழுதியிருக்கிறேன். எழுத்துக்களை எளிதாக க்ளிக் செய்தே நீங்கள் இடம் மாற்றலாம்.

கலைமொழி 1க்கான விடை :- ஆம் பெரியப்பா. நான்தான் பேசுகிறேன். இளவரசர் இருக்குமிடத்தை ஒருவரிடமும் சொல்வதில்லையென்று வாக்களித்திருக்கிறேன்

மனு, கலை, பூங்கோதை ஆகியோர் மட்டுமே விடையளித்திருந்தனர்.

கலைமொழி

2011-12-15T13:59:00.000+05:30

இந்த மாதிரிப் புதிர் ஒன்றை மனுதான் எனக்கு அறிமுகப்படுத்தினார். சுவாரஸ்யமாகவே இருந்ததால் நமது இயல்புபடி நானும் ஒன்றைத் தயாரித்து விட்டேன். முதல் புதிர் எளிதாகவே இருக்கும்படி அமைத்திருக்கிறேன்.

கீழே உள்ள கட்டங்களில் ஒரு பத்தி(Paragraph)நெடுக்காக மட்டும் (Only Columnwise) கலைந்துள்ளது(jumbled). பத்தி என்று சொல்லிவிட்டதால், அது ஒன்றுக்கு மேற்பட்ட வாக்கியங்கள் கொண்டதாகவும் இருக்கலாம். கறுப்புக் கட்டங்கள் வார்த்தை/வாக்கிய முடிவுகளை குறிக்கின்றன. அவற்றை நீங்கள் இடம் மாற்ற முடியாது. எழுத்துக்களை மட்டும், அதுவும் நெடுக்காக மட்டும் இடம் மாற்ற முடியும்.

ஆன்லைனிலேயே விளையாடும்படி நிரலி எழுதியிருக்கிறேன். எழுத்துக்களை எளிதாக க்ளிக் செய்தே நீங்கள் இடம் மாற்றலாம்.

ஓகே. ஆட்டம் ஆரம்பமாகட்டும்! ஸ்டார்ட் மியுஜிக்!!!;-)

சொல் ஒன்று சொல் - மூன்றெழுத்து - Master Minds

2011-11-17T15:04:00.001+05:30

. சில நாட்களுக்கு முன் வலைப்பதிவர்/புதிராளி பூங்கோதை அவர்கள் மாஸ்டர் மைண்ட்ஸ் விளையாட்டின் தமிழ் வார்த்தை வடிவத்தை “மூன்றெழுத்து” என்னும் பெயரில் அறிமுகப்படுத்தினார்.

அதே விளையாட்டை வலையிலேயே விளையாடும் விதமாக “சொல் ஒன்று சொல்”என்னும் பெயரில் இங்கே ஏற்றியுள்ளேன் - http://free.7host07.com/yosippavar/.

தற்பொழுது சுமார் 40+ வார்த்தைகள் Databaseல் நீங்கள் கண்டுபிடிப்பதற்காகக் காத்துக் கொண்டிருக்கின்றன. விளையாடுபவர்கள் புதிய வார்த்தைகளையும் தொகுப்பில் சேர்க்க முடியும். விடைகளை கண்டுபிடித்தவர்கள் அப்படியே அதை கேள்வி வார்த்தை கொடுத்தவர்களுக்கு இமெயிலும் அனுப்ப முடியும். விளையாட்டுக்கான விதிமுறைகள் இங்கே -> http://free.7host07.com/yosippavar//rules.asp

இப்போதைக்கு 3 அல்லது 4 அல்லது 5 எழுத்து வார்த்தைகள் மட்டுமே சேர்க்க முடியும். விடைகளைக் கெஸ்(guess) செய்ய ஆரம்பிக்குமுன், கேள்வி வார்த்தையில் எத்தனை எழுத்துக்கள் என்பதில் கவனம் கொள்ளவும்.

Code சில சமயம் எரர் அடிக்கலாம்(எழுதினது நானுல்ல!!;-)). Server சில சமயம் Slowஆக இருக்கலாம். விரைவில் அவற்றை சரிப்படுத்துவேன் என்று நம்புவோமாக;-)

விளையாடிப் பார்த்து நிறை/குறைகளை சொல்வீர்கள் என்ற நம்புகிறேன்.

மெகா குறுக்கெழுத்துப் போT விடைகள்

2011-07-24T12:08:00.001+05:30

சொன்னதுக்காக எக்ஸ்ட்ராவா மூனு பேர் ஆடியிருக்காங்க. அவ்ளோதான்! மேகீ 22இல் தான் கிட்டத்தட்ட எல்லோருமே தடுமாறிட்டாங்க. ஹரி, R.வைத்தியநாதன், முத்து சுப்ரமண்யம், ஸ்ரீனிவாசராமானுஜம் நாலு பேரும்தான் முதல் அட்டம்ப்ட்லயே கம்ப்ளீட்டா முடிச்சவங்க. KRSm, V.R.பாலகிருஷ்ணனும் ஒன்றுக்கு மேற்பட்ட முயற்சி செஞ்சு முடிச்சாங்க. இந்த முறை புதிர் போட்ட மறுநாளே வெளியூர் போக வேண்டியிருந்ததால், முழுக்க முழுக்க செல்ஃபோனிலேயே இணையம் பார்க்க வேண்டிய தொல்லை. அதிலேயே விடைகளுக்கு பதில் அனுப்புவதும், முக்கியமாக ஸ்கோர் கார்ட் அப்டேட் செய்வதும் மிகுந்த இம்சையாகிவிட்டது. அதனால் பலருக்கும் மிகத் தாமதமாகவே பதில் அனுப்ப முடிந்தது. ஆனாலும் புதிரை விடுவிக்க முயன்றவர்கள் உண்மையில் அனுபவித்து ரசித்திருக்கிறார்கள் என்பது அவர்களது மடல்களில் தெரிந்தது. சரி இனி விடைகளைப் பார்ப்போம்.

இடமிருந்து வலம் :

2) முதல் = ஆதி + (ஊ)க்கம் முதலில்லா = ஆளுமை.==அதிக்கம்
4) (கண்ண)தாச(ன்) கிருஷ்ணனை நினைக்காவிட்டால் எப்பொழுதும் குழம்பியே இருப்பார் = சதா
5) நடுவே விரித்”தர் வலை”யை => கசக்கி = வழிநடத்துபவர் == தலைவர்
6) ”போரா”ளிகளுக்குள்ளும் யுத்தமா? == போரா
7) விய”த்தகு வல்”லமைக்குள் => கலைத்தல் = பிரித்தல்.== வகுத்தல்
8) அஸ்திவாரங்களில்லா -> நன(வு) மாளி(கை) => நடுங்கியதால்தான் = அழகா == நளினமா
9) சுபகாரியம் => ரணம்(=காயம்) ஆற்றிக் => சுபகாரியம்-காயம்=சுபரி => கலந்தால் = வெகுமதி == பரிசு
11) ”க”ண்ணி”மை” ஓரங்கள் இரண்டும் + ஓ”ட”ங்கள் இரண்டும் => கலப்பது = பொறுப்பு == கடமை
13) கரைகள் ”ஊ”மையான”து” = மூங்கிலோசையெழுப்ப == ஊது
15) ஊழல் அரசர் ஆ.....?(நேரடிக் குறிப்பு) == ராசா
16) ஒரு சுற்று பெருத்த => மான் = மாண் + ”பு”தைகுழி வாயிலில் = பெருமை == மாண்பு
18) ”யானை! பாதுகாப்பாய்” - ”யானைப்பாகா!” விரட்டுவாய் = அரபு நகரம்! == துபாய்
21) அவர்கள் அவளில்லாமல் => கர் + கொடுக்க (=தர) => கலங்கினார் = இடைப்பட்டவர் == தரகர்
23) ”சக்கரம் மாறுதல்” - தரமாம் = வழுக்கல் == சறுக்கல்
24) காமராசர் - அரசர் = பெரிய == மகா
25) ”கருட வம்சம்” - ”கம்ச” (வதம் நடந்தது) = ஆண்டு == வருடம்
26) கல்வெட்டு - கட்டு (கட்டாதே) = வெற்றி பெறு == வெல்
27) ”கடன் பட்டனர்” - பட்ட (பட்டமில்லா) => சஞ்சலத்தால் = அண்டை மாநிலத்தவர் == கன்னடர்

மேலிருந்து கீழ் :

1) உயிரை எடுத்து மெய்யாக்கிய(உடலாக்கிய) = குற்றவாளி ==கொலையாளி (நேரடிக் குறிப்பு)
2) கர்வமா...ஆ = விருப்பமாக == ஆர்வமாக
3) ”அந்த” உயிரற்ற -> ந்த + பாறை(கல்) => நடுவே = பழைய துணி == கந்தல்
4) ராஜ = ராச + ஸ்வரங்கள் இரண்டு(ச,ரி)=> கலப்பது = சாதாரணம்.== சராசரி
8) ”நகரம் பார்த்து” - பாரம் (சுமை இறக்கு) = இடம்பெயர்த்து == நகர்த்து
9) இருக்காத இருபது => பது + மசி(மை) = அழகுச்சிலை == பதுமை
10) அழகிய குரவர் = சுந்தரர் (நேரடிக் குறிப்பு)
12) ”மாய மை”னா => தலை குப்புற விழுந்தது = நடுவிலா == மையமா (இந்த விடை புதிர் கட்டங்களின் மையத்தில் உள்ளது!!;)))
14) ”வாய் வீரா” - வீ (வீனாப் போன என்பதில் எழுத்துப் பிழை இல்லை!) = வருக == வாராய்
17) ”புதியவர்! முதல்வர்” - முதியவர் (முதியவரல்ல) = மைந்தர் == புதல்வர்
19) சந்திப்”பாரா மல்”லுவேட்டி மைனர் = பார்க்காமல் == பாராமல்
20) உ”று”மி இடை + சிவன் => தாண்டவமாடிய = பொடியன் == சிறுவன்
22) வல்லவர்கள் = வல்லினங்கள்(கசடதபற) => இருவரைத் தொலைத்த நான்கு வல்லவர்கள் -> கசட(தப)ற பேரில் = குற்றமில்லை.= கசடற

மெகா குறுக்கெழுத்துப் போT

2011-07-17T11:59:00.000+05:30

பல மாதங்களாக ஒரு சில டெக்னிக்கல் பிரச்சனைகளினால்(சோம்பேறித்தனம்) பதிவு எதுவும் எழுதவில்லை. இந்தக் குறுக்கெழுத்தை உருவாக்க ஆரம்பித்தே கிட்டத்தட்ட ஒரு மாதத்திற்கு மேல் ஆகிறதென்றால், டெக்னிக்கல் பிரச்சனை எவ்வளவு பெரியதென்று பார்த்துக் கொள்ளுங்களேன்! எப்படியும் பத்து பேருக்கு மேல் இந்தக் குறுக்கெழுத்தை முனைந்து தீர்க்க முயல மாட்டீர்கள் என்று தெரியும். அதனாலேயே என்னத்துக்குப் போட்டு மெனக்கிட்டுக்கிட்டு என்று டெக்னிக்கல் பிரச்சனை பெரிதாகிக் கொண்டே போகிறது. இருந்தாலும் பிரச்சனையை சமாளித்து இந்த ‘மெகா’ குறுக்கெழுத்தை(11x11 என்பதால் மெகா!) உங்களுக்கு சமர்ப்பிக்கிறோம். எங்கே, அந்தப் பத்துபேரும் வந்து உடனே ஆஜராகி வேலையை ஆரம்பிங்க பார்க்கலாம்!!!

அந்தப் பத்துடன் யாராவது புதுசா ஒன்னு ரெண்டு பேர் சேர்ந்து புதிரை அவிழ்க்கனும்னு நெனைச்சீங்கன்னா ஒரு எட்டு இங்கனயெல்லாம் போய் இந்த மாதிரிப் புதிர்களை எப்படி அவிழ்க்கிறதுன்னு படிச்சு புரிஞ்சிட்டு வந்துருங்க. ஏன்னா, இது தமிழ் வாரப் பத்திரிக்கைகளில் வரும் குறுக்கெழுத்துப் புதிர்கள் டைப்பை சேர்ந்ததில்லை.

மத்தபடி வழக்கம்போலதான். நீங்க புதிரை அவிழ்கும்போது இங்கேயிருக்கிற கட்டங்கள்ளயே விடைகளை நிரப்பிப் பார்த்துக் கொள்ள முடியும். உங்க விடைகளை Commentஇலோ, yosippavar@gmail.com என்ற மின்மடல் முகவரிக்கோ அனுப்புங்கள். எந்தெந்த விடைகள் சரி/தப்புன்னு மட்டும் அப்பப்போ நாங்க சொல்லுவோம். மத்தவங்க எத்தன விடைகள் சரியா சொல்லியிருக்காங்கன்னு இங்க போய் பார்த்துக்குங்க.

சரி, சரி! எல்லாம் இப்ப ஆட்டய கவனி!!!

	_1		_2	__	__	_3	__		_4	__
_5	__	__	__			__		_6	__
	__		_7	__	__	__	__		__
_8	__	__	__			__		_9	__	10
__			11	__	12		13	__		__
__		14			__			__		__
__		15	__		16	__	17			__
18	19	__		20			21	__	22	__
	__		23	__	__	__	__		__
	24	__		__			25	__	__	__
26	__		27	__	__	__	__		__

இடமிருந்து வலம் :

2) முதல் ஊக்கம் முதலில்லா ஆளுமை.(5)
4) கண்ணதாசன் கிருஷ்ணனை நினைக்காவிட்டால் எப்பொழுதும் குழம்பியே இருப்பார்.(2)
5) வழிநடத்துபவரைப் பிடிக்க கசக்கி நடுவே விரித்தர் வலையை.(4)
6) போராளிகளுக்குள்ளும் யுத்தமா?(2)
7) வியத்தகு வல்லமைக்குள் கலைத்தல் பிரித்தல்.(5)
8) அஸ்திவாரங்களில்லா நனவு மாளிகை நடுங்கியதால்தான் அழகா?(4)
9) சுபகாரியம் ரணமாற்றிக் கலந்தால் வெகுமதி உண்டு.(3)
11) கண்ணிமை ஓரங்கள் இரண்டும், ஓடங்கள் இரண்டும் கலப்பது பொறுப்பு.(3)
13) மூங்கிலோசையெழுப்ப கரைகள் ஊமையானது.(2)
15) ஊழல் அரசர் ஆ.....?(2)
16) ஒரு சுற்று பெருத்த மான் புதைகுழி வாயிலில் அடைந்தது பெருமை.(3)
18) யானைப்பாகா! விரட்டுவாய் யானை! பாதுகாப்பாய் அரபு நகரம்!(3)
21) இடைப்பட்டவர் அவளில்லாமல் அவர்கள் கொடுக்க கலங்கினார்.(4)
23) வழுக்கல் சக்கரம் மாறுதல் இல்லாத தரமாம்!(5)
24) பெரிய காமராசர்! அரசரில்லை!!(2)
25) கருட வம்சம் ஆண்டு வர கம்ச வதம் நடந்தது.(4)
26) கல்வெட்டு கட்டாதே! வெற்றி பெறு!!(2)
27) பட்டமில்லா அண்டை மாநிலத்தவர் சஞ்சலத்தால் கடன் பட்டனர்.(5)

மேலிருந்து கீழ் :

1) உயிரை எடுத்து மெய்யாக்கிய குற்றவாளி.(4)
2) விருப்பமாக கர்வமா...ஆ!(5)
3) அந்த உயிரற்ற பாறை நடுவே பழைய துணி.(4)
4) ராஜ ஸ்வரங்கள் இரண்டு கலப்பது சாதாரணம்.(4)
8) இடம்பெயர்த்து நகரம் பார்த்து சுமை இறக்கு.(5)
9) இருக்காத இருபது மசி அழகுச்சிலை.(3)
10) அழகிய குரவர்.(5)
12) மாய மைனா தலை குப்புற விழுந்தது நடுவிலா?(3)
14) வீனாப் போன வாய் வீரா வருக!!!(3)
17) மைந்தர் புதியவர்! முதல்வர் முதியவரல்ல!
19) பார்க்காமல் சந்திப்பாரா மல்லுவேட்டி மைனர்?(4)
20) உறுமி இடை சிவன் தாண்டவமாடிய பொடியன்.(4)
22) இருவரைத் தொலைத்த நான்கு வல்லவர்கள் பேரில் குற்றமில்லை.(4)

உருவாக்கம் : யோசிப்பவர், ஸ்ரீதேவி

நோநோகிராம் - புதிர் வகை அறிமுகம்

2010-06-05T18:27:00.010+05:30

உங்களுக்கு சுடோகு பிடிக்குமா? அப்படியென்றால் இந்த நோநோகிராம்(Nonogram) புதிரும் உங்களுக்கு பிடிக்க 90% வாய்ப்பிருக்கிறது. சுடோகு பிடிக்காத பலருக்கும் கூட இந்தப் புதிர் பிடிக்கும். இதுவும் ஒரு ஜப்பான் இறக்குமதி.

சுடோகுவில்

நமக்கு ஆரம்ப நிலைக் கட்டம் கொடுக்கப்படுவது போலவே,

இங்கும் நமக்கு சில கட்டங்களும் எண்களும் கொடுக்கப்படுகிறது.உதாரணத்திற்கு இந்தக் கட்டங்களைப் பாருங்கள். 5x5 கட்டங்கள் இவை. இவைகளுக்கு மேலாகவும் , இடதுபுறத்திலும் Tabular Column தலைப்புகள் போல, சில எண்கள் கொடுக்கப் பட்டிருக்கின்றன. இவற்றுக்கு என்ன அர்த்தம்? எளிதாக விளக்குவதற்காக நான் 5x5=25 கட்டங்களுக்கும்

பெயர் வைத்துக் கொள்கிறேன். புதிர், எண்கள் சம்பந்தப்பட்டது என்பதால் ஆங்கில எழுத்துக்களை பெயர்களாக உபயோகிப்போம்.

சரி! பெயர் வைத்தாகிவிட்டது. இப்பொழுது முதல் columnஐ(a,f,k,p,u) பார்ப்போம். அதன் தலைப்பில் 3

என்றிருக்கிறது. இதற்கு அர்த்தம் அந்த

Columnத்தில் தொடர்ச்சியாக மூன்று கட்டங்கள் மட்டும் கறுப்படிக்க வேண்டும் என்று அர்த்தம். பிரிண்ட் அவுட் எடுத்து கொண்டீர்களென்றால் பென்சில் வைத்து கறுப்படிக்கலாம். மொத்தம் ஐந்து கட்டங்களில், 3 கட்டங்கள் மட்டும்தான் கறுப்பு, அதுவும் தொடர்ச்சியாக. அது எந்தெந்த கட்டங்கள் என்று கண்டுபிடிக்க வேண்டியது தான் நமது வேலை.

சரி கண்டுபிடிக்கலாம். இன்னொரு சந்தேகம். நான்காவது columnத்தின்(d,i,n,s,x) தலைப்பு (1 1) என்றிருக்கிறதே? அப்படியென்றால்? நான்காவது columnத்தில், ஒரு கறுப்பு கட்டம் வருகிறது. அதற்குப்பின் குறைந்தபட்சம் ஒரு கட்டம் விட்டு, (கவனிக்கவும் குறைந்தபட்சம்) இன்னொரு கறுப்பு கட்டம் வருகிறது. வேறு வார்த்தைகளில் சொல்வதானால், இரண்டு கருப்பு கட்டங்கள். இரண்டுக்கும் இடைவெளி குறைந்தபட்சம் ஒரு வெள்ளை கட்டம்.

ஓகே! இப்போழுது இடது புறம் இருக்கும் எண்கள். அவையும் coulmn தலைப்புகள் போல்தான், row தலைப்புகள்.

முதல் row(a,b,c,d,e) தலைப்பு 1 சொல்லும் அர்த்தம், அந்த முதல் rowல் ஒரே ஒரு கருப்புக் கட்டம்தான் இருக்கிறது. மூன்றாவது row(k,l,m,n,o) தலைப்பு (1 3). இதன் அர்த்தம், மூன்றாவது rowல் ஒரு கட்டம் கருப்பு. அதற்குப் பிறகு குறைந்தபட்சம் ஒரு கட்டம் இடைவெளி விட்டு, மூன்று கட்டங்கள் தொடர்ச்சியாகக் கருப்பு. இங்கே கவனிக்க வேண்டியது, ஒரு தனிக் கருப்பு கட்டத்துக்கு, வலது புறமாகத்தான், அடுத்து தொடர்ச்சியாக வரவேண்டிய மூன்று கருப்புக் கட்டங்களும் வரவேண்டும்.

சரி. ஏதோ ஒரு மாதிரி புரிஞ்சிருக்கும்னு நினைக்கிறேன். நாம் உதாரணத்திற்கு எடுத்துக் கொண்ட கட்டத்தை கொஞ்சம் solve செய்தால் இன்னும் நன்றாகப் புரியும்.

முதலில் முதல் columnஐ கவனிக்கலாம். அந்த வரிசையில் மொத்தம் மூன்று கருப்பு தொடர்ச்சியாக. இந்த வரிசையில் மொத்த கட்டங்களே ஐந்து கட்டங்கள்தான். ஐந்தில் மூன்று தொடர்ச்சியான கருப்பு கட்டங்கள் என்றால், இந்த வரிசையில் நடுக்கட்டம்(k) கண்டிப்பாக கருப்பாகத்தான் இருக்க முடியும். அதைக் கருப்பாக்குவோம்.

இப்பொழுது மூன்றாவது rowஐ கவனியுங்கள். (1

3). இந்த வரிசையில் இப்பொழுது முதல் கட்டம் கருப்புக் கட்டமாகி விட்டது. (1 3)இல் 1 என்பது முடிவாகிவிட்டது. இதற்கு அடுத்த கட்டம்(l) கண்டிப்பாக கருப்பாக இருக்க முடியாது. கண்டிப்பாக இடைவெளி இருக்க வேண்டுமே. அதனால் இந்த வரிசையில் இரண்டாவது கட்டத்தை x என்று குறியிடுவோம்(கண்டிப்பாக கருப்பு கிடையாது என்ற அர்த்தத்தில்).

மூன்றாவது rowல் இப்பொழுது மீதியிருப்பது மூன்றே கட்

டங்கள். மூன்றாவது rowல் இன்னும் தீர்வு காணப்படாத clueவும் 3. ஆக மீதியிருக்கும் மூன்று கட்டங்களும்(m,n,o) கருப்புதான். அவற்றில் கருப்படியுங்கள்.

அடுத்து நாம் நான்காவது columnஐ

குறி வைக்கலாம்(d,i,n,s,x). இதன்

clueக்கள் (1 1).

அதாவது இந்த வரிசையில் எந்த இடத்திலும் தொட

ர்ச்சியான கருப்பு கட்டங்கள் இல்லை. இதில் நமக்கு மூன்றாவது கட்டம் n கருப்பு என்பது ஏற்கனவே முடிவாகிவிட்டது. தொடர்ச்சி இல்லை என்பதால் இந்தக் கட்டத்தின் முன்/பின் இரு கட்டங்களும்(i,s) கருப்பில்லை என்பது தெளிவு. அவற்றில் x குறியிடலாம்.

இப்பொழுது நான்காவது rowஐப்(p,q,r,s,t) பாருங்கள். இதன் குறிப்பு(clue) 3 மட்டும்தான். மூன்று தொடர்ச்சியான கருப்புக் கட்டங்கள். இந்த

வரிசையில் நான்காவது கட்டம்(s) ஏற்கனவே x குறியிட்டிருப்பதால், கண்டிப்பாக வெள்ளைதான். இதன் மூலம்

தெளிவாவது, 3 தொடர்ச்சியா

ன கருப்புக் கட்டங்கள் என்பது இந்த நாலாவது கட்டம் xக்கும் முன்புதான் வரமுடியும். ஏனென்றால் அதற்குப் பிறகு இருப்பது ஒரே ஒரு கட்டம்(t) மட்டுமே. இங்கே xக்கு முன்பு இருப்பது மூன்றே கட்டங்கள்தான்(p,q,r). இவற்றை கருப்பாக்கலாம்.

அடுத்து கொஞ்சம் columnகளை கவனிப்போம். முதலில் முதல் column(a,f,k,p,u). இந்த வரிசையில் மூன்றாவதும், நான்காவதும் கருப்பு என்பது உறுதி

செய்யப்பட்டுவிட்டது. இந்த வரிசைக்கு clue

3 மட்டும்தான். தொடர்ச்சியாக மூன்று கட்டம் எனும்பொழுது fkpஆக இருக்கலாம், அல்லது kpuஆக இருக்கலாம். எப்படியிருந்தாலும் a கருப்பு கிடை

யாது என்பது உறுதி. அதில் x போட்டுவிடலாம்.
அடுத்த column போகலாம்(b,g,l,q,v). இந்த இரண்டாவது columnத்தின் குறிப்பு 2 மட்டுமே. இதில் மூன்றாவது கட்டம்(l) வெள்ளை என்பதும், அதற்கடுத்த q கருப்பு என்பதும் முடிவாகிவிட்டது. அதனால் lக்கு மேலேயுல்ல gயும் bயும் நிச்சயம் கருப்பாக இருக்க முடியாது. மேலும் மீதியுள்ள v கருப்பாகத்தான் இருக்க வேண்டும் என்பதும் தெளிவாகிறது. ஸோ, b,g இரண்டிலும் x போட்டுவிட்டு vஐ கருப்பாக்கலாம்.

அடுத்து மூன்றாவது column(c,h,m,r,w). இங்கும் முதல் column போன்ற scenarioதான். அதனால் அதேபோல் c கருப்பு கிடையாது என்று முடிவு செய்து x போடுங்கள்.

இப்பொழுது கடைசி columnஐ பாருங்கள்(e,j,o,t,y).o கருப்பு என்றும் t வெள்ளை என்பதும் உறுதியாகத் தெரிகிறது. இந்த வரிசைக்கான குறிப்பு 3 மட்டும்தான். அப்படியென்றால் தொடர் கருப்புக் கட்டங்கள் tக்கு மேலேயேதான் இருக்க முடியும். e,j இரண்டையும் கருப்பாக்கிவிட்டு, yஇல் x மார்க் செய்து விடவும்.

அடுத்து rowக்களை கவனிக்கலாம். முதல் row(a,b,c,d,e). இதன் குறிப்பு எண் 1. இந்த வரிசையில் ஏற்கெனவே e கருப்படித்தாயிற்று. அதனால் மீதியிருக்கும் dயில் x போட்டு விடலாம்.

இதே போல் இரண்டாவது row (f,g,h,i,j). இதுவும் முந்தய rowஐ போன்றதே. fலும் hலும் x போட்டு விடலாம்.

இப்பொழுது கடைசியாக கடைசி row(u,v,w,x,y). இதன் குறிப்பு எண் 4. இப்பொழுது

இந்த வரிசையில் மீதியிருக்கும் கட்டங்களும் நான்கே கட்டங்கள்தான். y ஏற்கனவே வெள்ளை கட்டம் என்பது முடிவாகிவிட்டது. அதனால் அதை மட்டும் விட்டு விட்டு மற்ற நான்கு கட்டங்களையும் கருப்பாக்கிவிடலாம்.

இந்த எளிய நோநோகிராம் புதிரை இப்பொழுது முழுதும் அவிழ்த்தாகிவிட்டது.

5x5 கட்டங்கள் அறிமுகத்துக்கு எளிமையாக இருப்பதற்காக எடுத்துக் கொண்டேன். கீழே சில பெரிய கட்டங்களும் கொடுத்திருக்கிறேன். அவற்றைத் தீர்க்க முடிகிறதா பாருங்கள்.

10x10

15x15

20x20

25x25

கவிதை உறவு போட்டியில் பரிசு

2010-05-13T11:25:00.002+05:30

நண்பர்களே,

கவிதை உறவு இலக்கிய இதழ் நடத்திய போட்டியில், சிறந்த சிறுகதைத் தொகுப்புக்கான பிரிவில், எனது புத்தகம் ”௨௲௧௧ - ஒரே ஒரு காலயந்திரத்தில்” மூன்றாவது பரிசு வென்றிருக்கிறது என்பதை மகிழ்ச்சியுடன் உங்களுடன் பகிர்ந்து கொள்கிறேன்.

போட்டியில் வென்ற மற்ற நண்பர்களுக்கும் எனது வாழ்த்துக்கள்!!!

போரடிக்குது போரடிக்குது போரடிக்குது போரடிக்குது

2010-03-05T15:58:00.006+05:30

பயங்கரமா போரடிக்குது! எவ்வளவு நேரம்தான் சாமியார் பத்தின பதிவுகள் படிக்கிறது?! ’I am bored'னு கூகிள்லே தேடினப்ப கிடைச்ச சில அருமையான(?!?) பொழுதுபோக்குகள்.

1) பென்குயினைப்(Penguin) பற்றி ஒரு இரண்டு நிமிடம் தொடர்ந்தார்ப் போல் நினைக்காமல் இருக்க முயலவும். பதிவர்கள் நித்யானந்தம் பற்றி நினைக்காமல் இருக்க முயலலாம்!!

2)ஒரு வார்த்தையை திரும்பத் திரும்ப உரக்கச் சொல்லவும். ஒரு நிலையில் அந்த வார்த்தைக்கான பொருள் அர்த்தமில்லாமல் போவதை உணரலாம். உதா : இந்தப் பதிவின் தலைப்பு.

3) இமைகளை அழுத்தமாக மூடி மூடி திறவுங்கள்(கதவை அல்ல). பிறகு கண்களை இறுக்கமாக மூடிக் கொள்ளுங்கள். உள்ளுக்கு பலவிதமான ஒளிப் புள்ளிகள் விளையாடுவது தெரியும்.

4) அலுவலகத்தில் நிறைய பேர் உங்களைப் போலவே இருந்தால் இப்படி செய்யலாம்.

5) அலுவலக போர்டிலோ போட்டோஷாப்பிலோ இப்படியெல்லாம் கிறுக்கலாம்.

போனஸ் :

பின்குறிப்பு : இது ஒரு சீரியஸ் பதிவு!!

777777............7777777

2010-02-17T10:49:00.003+05:30

தலைப்பை பார்த்தீங்கள்ள? இது ஏழில் ஆரம்பிச்சு, ஏழாலேயே தொடர்ந்து ஏழிலேயே முடியிற ஒரு நம்பர். கவனமா பாக்கனும்! இது ஒரு முடிவிலி(infinite number) கிடையாது. ...7777 ன்னு எப்பவாது முடிஞ்சுடும். ஆனா மொத்தம் எத்தன ஏழுன்னு தெரியாது. இப்போதைக்கு இந்த பில்டப் போதும். இப்ப இந்த நம்பர 199 ஆல வகுத்தா பூஜ்யம் வருது. அதாவது தமிழ்ல சொல்லனும்னா திஸ் நம்பர் இஸ் டிவிஸிபிள் பை ஒன் நைன்டி நைன். அப்படி 199ஆல இந்த நம்பர வகுத்தா, வர்ர விடையோட கடைசி நாலு இலக்கம்(l ast four digits of quotient) என்னன்னு ஒங்களால கண்டுபிடிக்க முடியுமா?

பிகு:- இந்தக் கணக்கு அவ்வளவு கஷ்டம் கிடையாது. கம்ப்யூட்டர் யூஸ் பண்ணாமலேயே கண்டுபிடிக்கலாம்!!

கணேஷ் வசந்த் விடை

2010-02-10T11:29:00.002+05:30

கணேஷுடைய இனிஷியல் கொலையுதிர் காலம் கதையில் வருகிறது. விடை கீழே படத்தில்...

ஆன்லைனில் எனது விஞ்ஞான சிறுகதைகள் நூல்

2010-02-06T10:57:00.000+05:30

டிஸ்கி : இதுவும் ஒரு சுய விளம்பரப் பதிவு!!!

எனது விஞ்ஞான சிறுகதைகள் தொகுப்பு “௨௲௧௧ - ஒரே ஒரு காலயந்திரத்தில்” வெளியாகியிருப்பது உங்களனைவருக்கும் தெரியும். இந்தப் புத்தகம் எங்கே கிடைக்கும்? எங்கே கிடைக்கும்? என்று பல கோடி(?!?) பேர் கேட்கிறார்கள். அதற்காகவே இந்தப் பதிவு.

தபால் மூலம் வாங்க, ’TRISAKTHI PUBLICATIONS’ என்ற பெயருக்கு புத்தக விலை ரூ.70+தபால் செலவு ரூ.25க்கு Demand Draft எடுத்து, புத்தகப் பெயரையும் குறிப்பிட்டு,

Chief Editor
Trisakthi Publications
Giriguja Enclave
56/21, First Avenue, Shastri Nagar
Adyar
Chennai 600 020
என்ற முகவரிக்கு அனுப்பவும்.

நேரடியாக வாங்க, மேற்கண்ட முகவரிக்கு வருகை தந்தால், திரிசக்தி பதிப்பகத்தாரின் அனைத்துப் புத்தகங்களும் கிடைக்கும்(என்னுடையதும் இதில் அடங்கும்!).

ஆன்லைனில் கூட வாங்கலாம். ஆன்லைனில் புத்தகத்தை இங்கு வாங்குங்கள் ->
http://ezeebookshop.com/eshop/product_info.php?cPath=14_17&products_id=85

பி.கு.:- இந்தப் பதிவு எனது எல்லா வலைப்பூக்களிலும் வெளியாகும். அதனால் திரட்டிகளில் மறுபடி மறுபடி இந்தத் தலைப்பை காண நேர்ந்தால், அது உங்கள் தலைவிதி!!!;-)

சுஜாதாவின் கணேஷ் வசந்த்....ஒரு விடை... ஒரு கேள்வி...

2010-02-05T15:15:00.007+05:30

போன பதிவில் வசந்தின் இனிஷியல்(Initial) என்னவென்று கேட்டிருந்தேன். கெக்கேபிக்குணி மட்டும் சரியான விடை அளித்திருந்தார். அதற்கு அவர் அளித்திருந்த விளக்கம் எனக்குப் பிடித்திருந்தது.

விடை ’நிர்வாண நகரம்’ நாவலில் இருக்கிறது. ஆதாரத்திற்கு கீழே படம் கொடுத்திருக்கிறேன். படிக்க முடியவில்லையென்றால், படத்தின் மீது க்ளிக் செய்து பெரிதாக்கி படிக்கவும்.இதற்கு கெக்கே பிக்குணி சொன்ன விளக்கம் :- என்னோட பர்சனல் தியரி வந்து, வசந்த் திரு. ரங்கராஜனுடைய படைப்புன்றதால:-)

சரி, இப்ப இந்தப் பிரச்சனை தீர்ந்தது. அடுத்த பஞ்சாயத்தை ஆரம்பிக்கலாமா? வசந்தோட இனிஷியல் தெரிஞ்சு போச்சு. வசத்துக்கு பாஸ்(Pass இல்லை, Boss), கணேஷோட இனிஷியல் என்னன்னு தெரியுமா?

Clue : இதற்கான விடை ‘நிர்வாண நகர’த்தில் இல்லை!!!;-))

சுஜாதாவின் கணேஷ் வசந்த் ரசிகர்களுக்கு...

2010-01-29T15:35:00.003+05:30

கணேஷ் வசந்தைத் தெரியாத சுஜாதா ரசிகர்கள் இருக்க(வே) முடியாது. இதில் வசந்தைப் பற்றி ஒரு இண்ட்ரஸ்டிங்கான விஷயம் கண்ணில் பட்டது. அதை ஒரு ஜாலியான புதிர்க் கேள்வியாக கேட்கலாம் என்றுத் தோன்றியதால் இந்தப் பதிவு.

கேள்வி ரொம்ப சிம்பிள். உங்களுக்கு வசந்தைப் பற்றி நன்றாகத் தெரியுமா? அப்படியானால் வசந்தின் இனிஷியல்(Initial) என்ன?

விடை சுஜாதாவின் கதைகளிலேயே ஒளிந்திருக்கிறது. எத்தனை பேர் சரியான விடை சொல்கிறீர்கள் என்று பார்க்கலாம்!!!

எனது விஞ்ஞான சிறுகதைகள் நூல் வெளியீடு

2010-01-28T11:04:00.004+05:30

டிஸ்கி : இது ஒரு சுய விளம்பரப் பதிவு!!!

இதனால் சகலமானவர்களுக்கும் தெரிவிப்பது என்னவென்றால், வருகின்ற பெப்ரவரி மாதம் 3ம் தேதி, எனது விஞ்ஞான சிறுகதைகள் தொகுப்பு “௨௲௧௧ - ஒரே ஒரு காலயந்திரத்தில்” வெளியாகிறது. திரிசக்தி பதிப்பகத்தார், இத்துடன் மேலும் ஒன்பது நூல்களை அன்று வெளியிடுகிறார்கள். விழாவிற்கு அனைவரும் வந்து சிறப்பிக்குமாறு அன்புடன் அழைக்கிறேன்.

இடம் : ரோட்டரி புத்தகத் திருவிழா, தமிழ் அரசி திருமண மண்டபம், மணிமண்டபம் அருகில், தஞ்சாவூர்.
நாள் : 03-02-2010.
நேரம் : மாலை 6.30 மணி.

பி.கு.:- இந்தப் புக்கை கண்டிப்பா வாங்கிப் படிங்கன்னு நான் சொல்லலை. வாங்கிப் படிச்சீங்கன்னா நல்லாருக்கும்னுதான் சொல்றேன்!!!:-)

ஜெர்ரி எலியும் பாலாடைக் கட்டிகளும் விடை

2010-01-19T12:18:00.002+05:30

பாலாடைக் கட்டிகள் ரூபிக் க்யூப் வடிவில் அடுக்கப்பட்டிருக்கின்றன என்று ஏற்கனவே நமக்குத் தெரியும். ஒரு ரூபிக் க்யூபில் மொத்தம் 8 கனசதுரங்கள், மூன்று முகங்கள்(வெளியே தெரியும் பக்கங்கள்) கொண்டவை; வசதிக்காக இவற்றை 3மு என்று அழைப்போம். அதே போல் 12 கனசதுரங்கள், இரண்டு முகங்கள் கொண்டவை(2மு). 6 கனசதுரங்கள் ஒரு முகம்(1மு) கொண்டவை. நடுவில் இருக்கும் கனசதுரத்தின் எந்த முகமும் வெளியே தெரியாது. அதனால் அதை 0மு என்று அழைக்கலாம்.

இப்பொழுது ரூபிக் க்யூபில் கனசதுரங்கள் அடுக்கப்பட்டுள்ள விதத்தை கவனித்தால் ஒன்று புலனாகும். ரூபிக் க்யூபில் ’ஒற்றைப்படை எண்’ முகம் கொண்ட கனசதுரங்களுக்கு அடுத்த கனசதுரமாக எப்பொழுதுமே ஒரு ‘இரட்டைப்படை எண்’ முகம் கொண்ட கனசதுரமே இருப்பதைக் காணலாம். அது போலவே, ‘இரட்டைப்படை எண்’ முகம் கொண்ட கனசதுரங்களுக்கு அடுத்த கனசதுரமாக எப்பொழுதுமே ’ஒற்றைப்படை எண்’ முகம் கொண்ட கனசதுரமே இருக்கிறது.

அதாவது ஒரு 3மு கனசதுரத்திற்கு அடுத்து 2மு அல்லது 0மு. அதுபோல 2மு கனசதுரத்திற்கு அடுத்து 3மு அல்லது 1மு.

நமது புதிரில் ஜெர்ரி எலி ஒரு மூலையில் இருக்கும் கனசதுரத்தில் ஆரம்பிக்கிறது, அதாவது 3மு. அடுத்து பக்கத்தில் இருக்கும் ஒரு இரட்டைப்படை கனசதுரம், அப்புறம் ஒற்றைப்படை கனசதுரம் என்று சாப்பிட்டவாறே சென்று கொண்டிருக்கிறது. அப்படியானால் 26வது கனசதுரம் ஒரு இரட்டைப்படை கனசதுரமாகவே இருக்க முடியும். இப்பொழுது கடைசி, 27வது கனசதுரமான , நமது நடு கனசதுரமும் ஒரு ’இரட்டைப்படை எண்’ கனசதுரம். ’இரட்டைப்படை எண்’ கனசதுரத்திற்கு அருகில் இன்னொரு ‘இரட்டைப்படை எண்’ கனசதுரம் வர முடியாது.

ஆக, நமது ஜெர்ரி எலியால், ஒரு மூலையில் இருக்கும் கனசதுரத்தை சாப்பிட ஆரம்பித்து, அடுத்தடுத்து பக்கத்தில் இருக்கும் கனசதுரங்களை சாப்பிட்டுக் கொண்டே போய், கடைசியாக நடு சதுரத்தில் முடிக்கவே முடியாது!!!

ஜெர்ரி எலியும் பாலாடைக் கட்டிகளும்

2010-01-06T12:22:00.008+05:30

அன்றைக்கு ஜெர்ரிக்கு நல்ல அதிர்ஷ்டம். ஒரு பெரிய பாலாடைக் கட்டி அதன் வளைக்கு அருகில் கேட்பாரற்றுக் கிடந்தது. ஒரு ’ரூபிக் க்யூப்’ வடிவில் கனசதுரமாக, 27 சின்னச் சின்ன கனசதுரங்களாக வெட்டப்பட்டுக் கிடந்தது. ஜெர்ரி அதன் மேல் ஏறி, அதை ஒரு முறை சுற்றி வந்தது. பின் அந்த ரூபிக் க்யூப் வடிவ பாலாடைக் கட்டியின் ஒரு மூலைக்கு வந்து, அந்த மூலையில் இருந்த சின்ன கனசதுரத்தை சாப்பிடத் தொடங்கியது. அதை சாப்பிட்டு முடித்ததும், அதற்கு பக்கத்தில் இருந்த அடுத்த கனசதுரத்தை சாப்பிட்டது. இப்படியே பக்கத்து பக்கத்து கனசதுரங்களை சாப்பிட்டுக் கொண்டே சென்றால், ஜெர்ரி எலியால் கடைசியாக ’நடு’ கனசதுரத்தை சாப்பிட முடியுமா? அதாவது ரூபிக் க்யூபின் ஒரு மூலையில் ஆரம்பித்து, பக்கத்து பக்கத்து கனசதுரங்களைத் தின்று கடைசியாக நடுவில் முடிக்க முடியுமா? முடியும் என்றால் எப்படி முடியும்? முடியாது என்றால் ஏன் முடியாது?

பெருக்கத் தெரியுமா? - விடை

2009-12-12T10:33:00.005+05:30

1)
வரிசை 6ன் கடைசி எண் 1 என்பது தெளிவு.
வரிசை 3ல் கடைசி எண் 1 என்பது மூன்று பெருக்கல்களில் மட்டுமே வரும். (9, 9), (3, 7), (7, 3).
முதலில் (9, 9) வாய்ப்பை பார்ப்போம்.
அதில் வரிசை 1ன் இரண்டாம் எண் 7 தான் வரும்.
ஆனால் வரிசை 5ன் கடைசி 22 என்பது எந்த 79 பெருக்கல்களுக்கும் வரவில்லை! எனவே (9, 9) வாய்ப்பு தவறு!
இதே காரணத்தால் (3, 7) வாய்ப்பும் வராது.

எனவே (7, 3) வாய்ப்பே சரியானது.
அதில் வரிசை 1ன் இரண்டாம் எண் 3 தான் வரும்
வரிசை 2ன் முதல் எண் 6 தான்.
வரிசை 3ன் முதல் எண் 1 அல்லது 2 ஐ தவிர வேறெதுவும் வராது. (937 * 3 = 2811).
எனவே வரிசை 5ன் இரண்டாம் எண் 0 மட்டுமே வரும்! (ஏனென்றால் அதற்கு முந்தைய நெடுக்கு கூட்டலில் இருந்து carry வராது)

இதிலிருந்து வரிசை 1ன் முதல் எண் 3 அல்லது 8 என்பது தெளிவு. (337 * 6 = 2022 & 837 * 6 = 5022)
இதில் வரிசை எண் 1ன் முதல் எண் 3 என்பது எந்த பெருக்கலுக்கும் வரிசை 4 ஐ சரிப்படுத்தாது!
எனவே 8 என்பதே சரி.
விடை :-
2) மேற்கண்டபடியே யோசித்தால் அடுத்த புதிருக்கு கீழ்கண்ட விடை வரும்.

- ஸ்ரீதேவி

பெருக்கத் தெரியுமா?

2009-12-02T16:12:00.004+05:30

உடனே துடைப்பம், மாப் வகையறாக்களை தூக்கி கொண்டு வராதீர்கள்!

இந்த முறை மிக மிக ....... மிக எளிதான புதிர்தான்!(அத நாங்க சொல்லனும்!) சிம்பிள் பெருக்கல்!

அடிப்படை பெருக்கல் தெரிந்தவர்கள் எல்லோரும் கலந்து கொள்ளலாம்! மூன்றாம் வகுப்பு மாணவர்கள் கூட ...
"I will use onlyyyy calculator" என்று கூறுபவர்கள் விலகிக் கொள்ளலாம்.

கேள்வி எளியது. கீழேயுள்ள இரண்டு பெருக்கல்களிலும் ’*’ வரும் இடங்களில் உள்ள எண்களை கண்டுபிடியுங்கள்.

உதவி தேவை நண்பர்களே!!!

2009-11-28T16:26:00.002+05:30

ஏற்கனவே இட்லிவடையில் வந்ததுதான். இன்னும் வந்து சேர்ந்த உதவிகள் போதுமானதாயில்லை. எனக்கு வந்த தகவல்கள் உண்மையானதுதான் என்பதை என்னால் முடிந்தவரை நன்கு விசாரித்துவிட்டேன். இணைய நண்பர்கள் கண்டிப்பாக உதவுவார்கள் என்ற நம்பிக்கையிலேயே இந்தப் பதிவு. இந்தப் பதிவின் மூலம் நண்பர் பாலமுருகனுக்கு ஒரிருவராவது உதவினால், மிகுந்த மகிழ்ச்சிக்குள்ளாவேன்.

One of my friend (Balamurugan) who is working at Cognizant suffering from T Cell Acute Lymphocytic Leukemia (A type of Blood Cancer).He was admitted in CMC Hospital, Vellore. He has got a survival chance of 80% when he finds a proper Donor who can match unrelated allergenic stem cell transplantation(related to Bone Marrow Transplantation).The estimated cost of this treatment would be Rs.70,00,000(Seventy Lakhs).

I would appreciate if you could contribute/Donate your money for his treatment. The money you donate would be one of your general expense but it can save a life. After all we earn money every month to spend. Let’s spend money for a Nobel purpose. Seventy Lakhs is not a small amount for a person coming from a normal middle class family. Let’s join our hands to save a life.

For more details contact my number: 98841 58575

ICICI Account No: 021201511398

ICICI Account Name: Sheik Mohamed Sithik Ali

Branch: Santhome

Note: I make a humble request you to take initiative and contact your friends on behalf of me. And, collect money in person or to your account and later transfer to me, so that I can hand over to our friend.

You can contribute whatever the amount. Please join me to save his life.

Note: Bala has undergone 2 cycles of chemotherapy (It will be done periodically). CMC is in the process of finding the donor. Our friends are also in touch with DATRI (Stem cell Donors Registry, Abiramapuram, Chennai - 18). As Chemo is very costly process, it is better how fast we can reach a suitable donor. Let us pray for his speedy recovery

Patient Details ********************************

Christian Medical College Vellore Association,
Current Account No. 10404158238
Bank Name - State Bank of India
Vellore Town branch,
Br code - 1618
IDS SCUDDER Road,
Vellore - 632004
Swift no - SBININBB473
Patient Name - Balamurugan Gnanaprakasam (Refer Patient Name and Hospital No in the transaction remarks)
Hospital No. 558129D

POC Contacts

Chennai - Kalyani V (104363 ) - 91-44-43583697

US - Kandaswamy Shanmuga(110999) - 201 680 2278

UK - Saranya Jayadev (158703) - 207 163 5074

Note: CTS employee Id given along with POC’s name… This will be useful for CTS employees for contacting the POC

உங்கள் ரோல் மாடல் யார்?

2009-11-10T11:42:00.013+05:30

உங்களுடைய ரோல் மாடலை தேர்ந்தெடுக்க எளிய வழி.

ஒன்றிலிருந்து ஒன்பதுக்குள் உங்களுக்கு மிகவும் பிடித்த ஒரு எண்ணை தேர்ந்தெடுத்துக் கொள்ளுங்கள். அந்த எண்ணை மூன்றால் பெருக்குங்கள். வந்த விடையோடு மூன்றை கூட்டுங்கள். பின் மறுபடி 3ஆல் பெருக்குங்கள். கடைசியாக கிடைத்திருக்கும் இரண்டிலக்க எண்ணில் உள்ள இரண்டு இலக்கங்களையும் கூட்டுங்கள். அந்தக் கூட்டுத்தொகையிலிருந்து இரண்டை கழியுங்கள். முடிந்தது.

கணக்கை சரியாக போட வேண்டும். எதையும் மிஸ் செய்து விடக் கூடாது. கூட்டல் கழித்தல் எல்லாம் ஒரு தடவைக்கு, இரண்டு தடவை சரி பார்த்துக் கொள்ளுங்கள். அப்புறம் தவறான ரோல் மாடலைத் தேர்ந்தெடுத்து தொலைத்து விடுவீர்கள்

இப்பொழுது கடைசியாக உங்களுக்கு கிடைத்திருக்கும் எண்ணைக் கொண்டு, கீழிருக்கும் லிஸ்டில், உங்கள் ரோல் மாடல் யார் என்று கண்டு கொள்ளுங்கள். அவரையே நீங்கள் Follow செய்தால், வலையுலகில் வெற்றி நிச்சயம் என்பது உறுதி கிடையாது.

1) ஆல்பர்ட் ஐன்ஸ்டீன்.
2) காந்தி.
3) ஐஸக் நியூட்டன்.
4) அப்துல் கலாம்.
5) பில் கேட்ஸ்.
6) ஸ்டீவன் ஸ்பீல்பெர்க்.
7) யோசிப்பவர்.
8) பிராட் பிட்.
9) ஷிட்னி ஷெல்டன்.

குறுக்கெழுத்துப் போT - 5 விடைகள்

2009-11-06T16:21:00.002+05:30

விடை சொல்லும் நேரம் வந்தாச்சு! முதலில் 20-20 போட்ட பூங்கோதை, வாஞ்சி, லாவெர்டண்டீஸ் மூவருக்கும் சபாஷ்!

இம்முறை புதிர் விடைகளை பெயர்கள், இடங்கள், சினிமா, புத்தகம் என்ற நான்கு வட்டத்திற்குள் அடைக்க முயற்சித்தோம். (Names, Places, Things, Animals விளையாடியுள்ளீர்களா ?!) work out ஆகிவிட்டது என்றாலும் interesting ஆக இருந்ததா என்று நீங்கள் தான் சொல்ல வேண்டும். ஆங்காங்கே “தேவராட்டி”, ”கிரேக்க நாடக திரை”, “டிங்கா டிங்கா” போன்ற கடின குறிப்புகளை உபயோகப்படுத்தி இருந்தாலும் கண்டுபிடிக்க கூடிய அளவிலேயே இருந்ததாக எண்ணுகிறோம்.

குறுக்காக :
2) மேன்மையில் மரணமடையவா பல்வேறு வேடங்கள் புனைந்தார்?
மேன்மை = தரம், மரணமடையவா = சாவதா ----> சாவதா, தரம் உள்ளே சென்று தசாவதாரம் ஆனது!

6) டிங்காடிங்கா வரைந்த மண்ணை குழப்பத்துடன் அடைந்த கயா காணாத கன்னி தாயா சேயா?
”கன்னி தாயா சேயா”வில் கயா காணாமல் “ன்னிதாசேயா” ஆனது. குழப்பத்தை போக்கினால், டிங்கா டிங்கா ஓவியத்திற்கு பெயர் பெற்ற ”தான்சேனியா” வரும்!

8) சீவக ராஜன் தலையெடுத்துக் கலைத்தால் அழகாவான்.
எளிய குறிப்புதான் - வசீகரா!

9) அக்கிறக்க பானம் மூடியை முறைகேடாய் பயன்படுத்தியது.
அக் + கிறக்க பானம் = ரம் -----> அக்ரம்! பந்தை பாட்டில் மூடியால் சேதப்படுத்தி விக்கெட்டுகளை வீழ்த்தியதாய் ஒப்புக் கொண்ட பிரபலம். பல பேரும் தடுமாறிய குறிப்பு இதுதான்.

12) ஸ்லோகம் பர்ணசாலையில் கவி பாடுதே.
கம்பர்! எளிதான குறிப்பே.

16) தானிய காவல் நடுவில் கிரேக்க நாடகத் திரை கசங்கியுள்ளது.
யவனிகா! தா”னியகாவ”ல் நடுவில் கசங்கி உள்ளது. நாடக திரைக்கு யவனிகா என்ற கிரேக்க மூலப்பெயரும் உண்டு.

17) கண்ணனிடம் காதலைச் சொல்ல அதே பாலை நீங்கள் ஆங்கிலத்தில் கலக்குங்கள்.
அதே பாலை + நீங்கள் ஆங்கிலத்தில் = யு -------> அலைபாயுதே!

19) வீரப்பன் காட்டை கொளுத்தி உயிரில்லா அகாடமி விருது பெற்ற கோஸாப் பட்டுப் பிரதேசம்.
வீரப்பன் காட்டை கொளுத்தினால் “சத்தீ” + (ஆ)ஸ்கார் = சத்தீஸ்கார்! கோஸாப் பட்டு பற்றி அறிய

நெடுக்காக :

1) தனிமனித தொழிற்சாலை காண பாட்டில்லா தந்தைக்குள் அரைப் பிரபஞ்ச அழகி வந்தாள்.
அமிதாப்! பலர் எளிதாகவே கண்டு பிடித்து விட்டார்கள். one man industry என்ற பெயர் 70ஸ் நபர்கள் அறிந்திருப்பார்கள்.

3) பயப்படாத அஞ்சலி ஈசானி மூலையை ஒதுக்கி நுழைந்தாள் தேவராட்டி.
சாலினி!

4) இஷ்வாகு குல வேக சாரதி சந்ததி காப்பியம்.
ரகுவம்சம்! இஷ்வாகு குலத்தின் fastest chariot rider = ரகு (அந்த கால ஷுமேக்கர்) , சந்ததி = வம்சம்

5) கலைஞர் செதுக்கிய கிரீடத் தம்பதி.
ராஜா ராணி! வெறும் கிரீடத் தம்பதி என்று கொடுக்கலாமா என யோசித்தோம். விடை கண்டுபிடித்தவர்கள் பலருக்கும் அது கலைஞர் வசனம் எழுதிய படம் என்பது தெரியுமா?

7) வென்றிடுச்சே தக்கோலம் சென்ற பஜாஜ் குதிரை.
சேதக்! குறிப்பிலேயே விடை உள்ளது.

9) ஆசியக் குட்டியானை உடல் நசுங்கி மலையானது.
அபு! ஏசியாட் குட்டி யானை என்று கொடுத்திருந்தால் பலருக்கும் எளிதாக இருந்திருக்கலாம்! இதையும் இதற்கு related குறிப்பான ”அக்ரம்”மிலும் பலபேர் சிரமப்பட்டு விட்டனர்.

10) கனிந்த வைரக் கதவைக் கழற்றி புனிதப் போரில் கலந்த கருப்பு விண்மீன்.
ரஜினிகாந்த்! super star க்கு விளக்கம் தேவையா?

11) கோகுலத்தார் தவங்கலைத்தால் கேள்வி எழும்.
யா(தவ)ர்!

13) பாபம் மாற்றிய புண்ணிய நதி.
பம்பா!

14) தாயகம் நடுவே அரவணைக்கும் நான் ஒரு தலைவன்.
நா(யக)ன்!

15) காலில்லா கோமாளி ரதத்தில் வழிகுழம்பி அக்பர் கோட்டைக்கு செல்கிறான்.
பபூ(ன்) + தேர் => வழிகுழம்பி ”பதேபூர்!”

18) தலைக்காவிரியிலிருந்து வந்தவள் தரணி தாண்டி உயிரிழந்தாளே.
லைக்கா! குறிப்பிலேயே விடை உள்ளது. லைக்கா யாருன்னு தெரியுமில்ல!

பின் குறிப்பு
உங்களின் மேலான விமர்சனங்கள் வரவேற்கப்படுகின்றன!

குறுக்கெழுத்துப் போT - 5

2009-10-24T13:35:00.003+05:30

Hello everybody,
இந்த மாத குறுக்கெழுத்து புதிரை தீபாவளி ரிலீஸாக வெளியிட நினைத்தேன். ஆனால், அதிகப்படியாக வந்திருந்த ஸ்வீட், காரத்தால் (பூங்கோதை, பார்த்தசாரதி, இலவச கொத்தனார்) ஒரு வார தாமதம் ஏற்பட்டுவிட்டது. Just ஒரு வாரம் தான்! பொங்கல் ரிலீஸ் என்று ஆகவில்லையே!

வெல், அடுத்தடுத்து குறுக்கெழுத்து solve பண்ணி fed up ஆகியிருப்பீர்களோ என்ற முன்னெச்சரிக்கை உணர்வால் இம்முறை புதிரை சற்று எளிதாகவே அமைத்துள்ளேன்.

இது போன்ற குறுக்கெழுத்து புதிரை அவிழ்ப்பதற்கு திரு. வாஞ்சி அவர்களின் எளிய அறிமுகம் இங்கே! வழக்கம் போல மதிப்பெண் பட்டியல் இங்கே.

இனி புதிருக்கான கட்டவலையும், குறிப்புகளும் . . . . . .

1		2	3		4			5

6		7			8

	9		10				11
				12		13
14								15
16				17	18

		19

குறுக்காக :

2) மேன்மையில் மரணமடையவா பல்வேறு வேடங்கள் புனைந்தார்? (6)
6) டிங்காடிங்கா வரைந்த மண்ணை குழப்பத்துடன் அடைந்த கயா காணாத கன்னி தாயா சேயா? (5)
8) சீவக ராஜன் தலையெடுத்துக் கலைத்தால் அழகாவான். (4)
9) அக்கிறக்க பானம் மூடியை முறைகேடாய் பயன்படுத்தியது. (4)
12) ஸ்லோகம் பர்ணசாலையில் கவி பாடுதே. (4)
16) தானிய காவல் நடுவில் கிரேக்க நாடகத் திரை கசங்கியுள்ளது. (4)
17) கண்ணனிடம் காதலைச் சொல்ல அதே பாலை நீங்கள் ஆங்கிலத்தில் கலக்குங்கள். (5)
19) வீரப்பன் காட்டை கொளுத்தி உயிரில்லா அகாடமி விருது பெற்ற கோஸாப் பட்டுப் பிரதேசம். (6)

நெடுக்காக :

1) தனிமனித தொழிற்சாலை காண பாட்டில்லா தந்தைக்குள் அரைப் பிரபஞ்ச அழகி வந்தாள். (4)
3) பயப்படாத அஞ்சலி ஈசானி மூலையை ஒதுக்கி நுழைந்தாள் தேவராட்டி. (3)
4) இஷ்வாகு குல வேக சாரதி சந்ததி காப்பியம். (6)
5) கலைஞர் செதுக்கிய கிரீடத் தம்பதி. (4)
7) வென்றிடுச்சே தக்கோலம் சென்ற பஜாஜ் குதிரை. (3)
9) ஆசியக் குட்டியானை உடல் நசுங்கி மலையானது. (2)
10) கனிந்த வைரக் கதவைக் கழற்றி புனிதப் போரில் கலந்த கருப்பு விண்மீன். (6)
11) கோகுலத்தார் தவங்கலைத்தால் கேள்வி எழும். (2)
13) பாபம் மாற்றிய புண்ணிய நதி. (3)
14) தாயகம் நடுவே அரவணைக்கும் நான் ஒரு தலைவன். (4)
15) காலில்லா கோமாளி ரதத்தில் வழிகுழம்பி அக்பர் கோட்டைக்கு செல்கிறான். (4)
18) தலைக்காவிரியிலிருந்து வந்தவள் தரணி தாண்டி உயிரிழந்தாளே. (3)

எண் என்ப... - விடை

2009-10-15T10:37:00.004+05:30

142857

இந்த எண்ணில் அப்படி என்ன சிறப்பு என்று கேட்கிறீர்களா? 1லிருந்து 7யை வகுத்தால் கிடைப்பது

1/7 = 0.142857142857142857.....

= 0.142857

இது மட்டுமல்ல!

1/7 = 0.142857142857....
2/7 = 0.285714285714....
3/7 = 0.428571428571....
4/7 = 0.571428571428....
5/7 = 0.714285714285....
6/7 = 0.857142857142....

அனைத்து விடைகளிலும் அதே ஆறு எண்கள் அதே வரிசையில் மீண்டும் மீண்டும் வருவதை கவனியுங்கள்!

எண் 7 க்கு பிறகு இந்த சிறப்பை பெறும் அடுத்த எண் 19. ஆம்! 1/19, 2/19, 3/19, .... , 18/19 விடைகளில் புள்ளிக்கு (decimal) பிறகு 18 எண்களை எழுதுங்கள். இங்கும் அதே வரிசையில் அதே வித பண்போடு எண்கள் மீண்டும் மீண்டும் வருவதை காண்பீர்கள்!!

மேலும் இந்த பண்பை பற்றி தெரிய விரும்புபவர்கள் primitive roots for prime numbers பற்றி படியுங்கள்.

- ஸ்ரீதேவி.

எண் என்ப...?!

2009-10-08T11:19:00.002+05:30

அரிச்சுவடியில் ஆரம்பிக்கும் எண்களின் ஆர்ப்பாட்டம், ஆயுள் வரை நீடித்தாலும், சில எண்கள் மட்டும் கவர்ச்சிகரமாய் அமைந்து விடுகிறது. இத்தகைய எண்களை கண்டுபிடித்ததாலேயே ராமானுஜம் உலகப்புகழ் பெற்றார்.

இப்பொழுது நீங்கள் கண்டுபிடிக்கப்போகும், இந்த ஒன்பதால் வகுபடும் ஆறு இலக்க எண்ணும் பிரபலமான ஒன்றுதான். கண்டுபிடியுங்கள் பார்க்கலாம்!!

1. அனைத்து இலக்கங்களும் வேறு வேறு எண்களால் ஆனது.
2. இரண்டாம் இலக்கத்தையும் மூன்றாம் இலக்கத்தையும் பெருக்கினால் நான்காம் இலக்கம் வரும்.
3. ஐந்தாம், மூன்றாம் இலக்கங்களை கூட்டினாலும், நான்காம் இலக்கத்திலிருந்து முதல் இலக்கத்தை கழித்தாலும் ஆறாவது இலக்கம் வரும்.

எனில் அந்த ஆறு இலக்க எண் எது?

முடிந்தால் அந்த எண் ஏன் சிறப்பு வாய்ந்தது என்றும் கண்டுபிடியுங்கள்!!!

- ஸ்ரீதேவி.

குறுக்கெழுத்து போT - 4 விடைகள்

2009-10-02T11:45:00.003+05:30

இந்த முறை விடை சொன்னவர்கள் மிக மிக குறைவுதான்(மொத்தமே 5 பேர்தான்). ரொம்ப கஷ்டமாக இருந்ததா? இல்லை இதெல்லாம் ஒரு புதிர்னு சொல்லி லூஸ்ல விட்டுட்டீங்களான்னு தெரியவில்லை.

விடை சொன்ன அந்த 5 பேர் :

1) வாஞ்சிநாதன்
2) வீ.ஆர். பாலகிருஷ்ணன்.
3) குன்னத்தூர் சந்தானம்
4) பூங்கோதை
5) அரசு

இதில் எல்லாவற்றுக்கும் சரியான விடையளித்தவர்கள் பாலகிருஷ்ணனும், பூங்கோதையும்.

குறுக்காக

1. சொக்காய் - மதுரை மன்னனை நிறைய பேர் பாண்டியன் என்று நினைத்து குழம்பிவிட்டார்கள். குழம்ப வேண்டும் என்றுதான் கொடுத்திருந்தோம். பலரும் சொக்கா’வா’ என்றே விடை சொன்னார்கள். அழைத்தாய் இறுதியாக என்று கொடுத்திருந்ததால் சொக்காய் என்பதே சரியான வார்த்தை. இருந்தாலும் ’சொக்காவா’க்கும் மதிப்பெண் கொடுத்தோம்.

3. அரோகரா - கந்தன் புகழ் பாடு என்று கொடுத்திருக்க வேண்டும். தவறை சுட்டிக் காட்டிய வாஞ்சிக்கு நன்றி. ஆனாலும் எல்லோரும் கண்டுபிடித்து விட்டார்கள். துருவ ஒளி - அரோரா - வட/தென் துருவங்களில் மட்டும் பனிப்பரப்பினால் இயற்கையாக தோன்றும் வண்ண ஒளி.

7. சிந்தாமணி - எளிய குறிப்புதான். விரும்பியது கொடுக்கும் மணி - சிந்தாமணி.

8. தாழி - ’த’கரம் + கடல் (ஆழி) . குழம்புவீர்கள் என்று நினைத்தோம். ம்ஹும். நீங்களாவது குழம்புவதாவது.

9. வெண்ணை உருண்டை - கருணை குறைவாய் என்பது ’க’ இல்லாமல் ருணை என்பதை குறிக்கிறது. இதனுடன் ’வெண்டை உண்’ என்பதில் உள்ள எழுத்துக்களை கலக்கினால் கண்ணனைக் கவரலாம். இதிலும் ஒரு பிழை உண்டு. ’வெண்ணெய்’ என்பதே சரியான வார்த்தை. இனி கவனமாக இருக்க வேண்டும்.

10. மீறி - ’மீன் வலையைப் பற்றி’ என்பதன் முதல் கடைசி எழுத்துக்கள் சேர்ந்து அடங்காமல் போனது.

12. விண்கலமா - ’கவி மாலன்’ முட்டை அதிகம் உண்டால் கவி மால’ண்’ ஆவார். அவர் குழம்பினால் வேற்றுக் கிரகம் போவார்.

14. துந்துபி - பேரிகை என்ற க்ளுவிற்கு பதில் அறுபது தமிழ் வருடங்களில் ஒன்று என வரும்படி கொடுக்கலாம் என்று நினைத்தோம். பிறகு வாக்கிய அழகிற்காக மாற்றி விட்டோம்.

15. மிதியடி - இந்த க்ளு எனக்கே பிடித்திருந்தது. சேது நாயகன் என்ற வார்த்தைக்கு விக்ரமிடமிருந்து விலகி, ராமர் என்று யோசித்தால் எளிதில் கண்டு பிடித்திருக்கலாம். அதையும் மூன்று பேர் சரியாக யோசித்துள்ளனர்.

நெடுக்காக

1. சொடக்கு - ஆங்கில வாத்தை டக் என்று எளிதில் விடுவித்து விடுவீர்கள் என்று தெரிந்தே தான் கொடுத்தோம்.

2. காஞ்சி - சத்தியமாக நூற்றாண்டு விழா பாதிப்பில் தமையனை அழைக்கலீங்க! அது சரி . . . ’ஏப்ரல் மே யில...’ பாடல் க்ளுவில் தெரியவில்லையா?!?

4. ரோகிணி - அவ’ரோ’+ மணியோசை = ’கிணி’. சோதிட ஸாஸ்திரத்தில் இருபத்தி ஏழு நட்சத்திரங்களும் சந்திரனின் மனைவியர். அவர்களில் சந்திரனுக்கு மிகவும் பிரியமான மனைவி ரோகிணி.

5. ராக்கோழி - மீண்டும் ஆங்கில என்று உபயோகிக்க எங்களுக்கே விருப்பமில்லைதான். என்ன செய்ய? ராக் தமிழ் வார்த்தை கிடையாதாமே?

6. பாதாள உலகம் - மிக எளிதான் குறிப்புதான். விளக்கம் தேவையில்லை என்று நினைக்கிறோம்.

8. தாடை - க்ளுவை டைப்பியதும் எங்களுக்கே முகம் கிழிந்து விட்டது போல ஒரு உணர்வு! நீங்கள் யாரும் கிழித்து விடுவீர்களோ என்ற பயமும் கூட!!

9. வெறி - ஆக்ரோஷமாக என்று கொடுக்கலாமா என நினைத்தோம். எப்படி கொடுத்திருந்தாலும் கண்டு பிடித்து விடுவீர்கள் என்று தெரிந்து விட்டதால் விட்டு விட்டோம் ( எல்லாம் உங்க புத்திசாலித்தனத்தில் மேல் நம்பிக்கைதான் )

10. மீந்தது - கொஞ்சம் கஷ்டப்பட்டீர்களோ? அந்த முண்டத்தில் - ந்த என்று பிடித்திருந்தால் கண்டுபிடித்திருப்பீர்கள்.

11. அம்மாடி - இந்த விடை தான் எண்ணியிருந்தோம். ஆனால் போஸ்ட் பண்ணிய பிறகு தான் ஆத்தாடி என்பதும் சரியாக வருவதை தெரிந்து கொண்டோம். ஆனாலும் விடை சொன்ன அனைவரும் அம்மாடி என்றே கூறியிருந்தது மகிழ்ச்சியளித்தது.

12. வித்து - ஆதி மூலம் இடையில் கமா போட்டிருக்க வேண்டாமோ?

13. மாருதி - சுதந்திரம் <=> விடுதலை. சுதந்திர சிறுத்தை <=> ?!

- ஸ்ரீ தேவி

குறுக்கெழுத்துப் போT - 4

2009-09-16T10:29:00.004+05:30

நாளாச்சு, நாளாச்சு, பதிவு போட்டே நாளாச்சு! குறுக்கெழுத்தாவது போடுவோம்! இந்த முறை குறுக்கெழுத்து கூட தனியாளாக உருவாக்கவி்ல்லை. எழுத்தாளர் ஸ்ரீதேவி பெரும்பாலான குறுக்கெழுத்து வேலைகளை செய்ய, நான் சும்மா மேஸ்திரி(கொத்தனார்?!) வேலைதான் பார்த்தேன். இந்த முறையும் வழக்கம் போல விடை சொல்பவர்களின் மதிப்பெண்கள் இங்கே (தாமதமில்லாமல்) அப்டேட் செய்யப்படும். வழக்கம் போல பரிசுகள் எதுவும் கிடையாது!!!

புதிர் உருவாக்க நாங்கள் உபயோகித்தவை http://dsal.uchicago.edu/dictionaries/tamil-lex/index.html, http://en.wikipedia.org/wiki/Main_Page.

விடைகளை கமெண்ட் மூலமோ, yosippavar@gmail.com என்ற முகவரிக்கு மின்மடல் மூலமோ தெரிவிக்கலாம். புதிர் சம்பந்தமான பாராட்டுக்கள்/திட்டுக்களை writersridevi@gmail.com என்ற முகவரிக்கு மின்மடல் அனுப்பவும்.

இது போன்ற புதிர்களை அவிழ்ப்பது குறித்த திரு. வாஞ்சிநாதன் அவர்களின் எளிய அறிமுகத்தை இங்கே காணலாம். மேலும் இது போன்ற புதிர்களை கொத்தனாரின் ப்ளாகிலும், அம்ருதா பார்த்தசாரதி தம்பதியின் வலைத்தளத்திலும் காணலாம்.

புதிர் விடைகளை இங்கேயுள்ள கட்டங்களிலேயே நீங்கள் நிரப்பிப் பார்த்துக் கொள்ளலாம்.

1		2		3	4		5
			6
		7
						8
	9
10							11
		12			13

14				15

குறுக்காக :

1) மஹாத்மாவை அண்டாத நீயா மதுரை மன்னனை அழைத்தாய் இறுதியாக. (4)
3) முன் கதிர் ஊடுருவிய துருவ ஒளியால் கந்தனை அழை. (4)
7) நேரம் ஒழுகாமல் விரும்பியது கொடுக்கும். (5)
8) தகரக் கடலில் இறந்தோரை அடக்கம் செய்யலாம். (2)
9) கண்ணனைக் கவர கலங்கி கருணை குறைவாய் வெண்டை உண். (3,4)
10) மீன் வலையைப் பற்றி முன்னும் பின்னும் இழுத்தால் அடங்காது. (2)
12) கவி மாலன் முட்டை அதிகம் உண்டதால் குழப்பமடைந்து வேற்றுக் கிரகம் போனாரா? (5)
14) பேரிகை முழங்கப் படை பெரும்பாலும் குழம்பி பிந்துகிறது. (4)
15) செந்திலுக்கு கிடைப்பவைகள் சேது நாயகனுக்கு கிடைக்கவில்லையே! (4)

நெடுக்காக :

1) சுமாரான சொகுசு பங்களாவில் நுழைந்த ஆங்கில வாத்து அதிகார ஓசை எழுப்புகிறது. (4)
2) பசுமையே இல்லாமல் தமையன் ஊராகிப் போச்சுடா! (3)
4) அவரோ மணியோசை கேட்டு நிலவின் பிரிய சகியை அழைத்தார். (3)
5) ஆங்கில இசைபாடும் அலகிய தோழி உறங்க மாட்டாள். (4)
6) காலின் கீழாண்ட பூமியும் ஓருலகம்தான். (3,4)
8) புத்தாடையை கிழிக்க அண்ணம் வருமா? (2)
9) மூர்க்கமாக தலை காலை வெட்டியெறி. (2)
10) அந்த முண்டத்தின் மீது துளைத்து எஞ்சியது. (4)
11) தாயும் மச்சும் பசுவின் அழைப்பில்லாமல் இணைந்தால் வியக்கலாம். (4)
12) ஆதி, மூலம் இருப்பது சாவித் துவாரத்திற்கு உள்ளே. (3)
13) சுதந்திர சிறுத்தை சிரசாசனம் செய்தால் கடலைத் தாண்டலாம். (3)

ஜாலியா ஒரு புதிர்

2009-08-02T10:02:00.003+05:30

இன்றைக்கு ஒரு ஜாலியான தமிங்கிலப் புதிர். கீழே சிலபல தமிழ்நாட்டு ஊர்களின் பெயர்களை கொடுத்திருக்கிறேன். எல்லோருக்கும் தெரிந்த ஊர்கள்தான். ஜாலியா கண்டுபிடிங்க பார்க்கலாம்.

1) Mr Paddy Fence.
2) Mr Bad.
3) Sweep Drink.
4) Honey Bee.
5) Fly Road.
6) Varanda Stone.
7) Fruit You.
8) Temple Box.

பி.கு.:- காமெடியாக வந்த ஒரு குறுஞ்செய்தியை புதிராக மாற்றியிருக்கிறேன். ஒரிஜினல் குறுஞ்செய்தியை உருவாக்கியவர்க்கு நன்றி!!!

குறுக்கெழுத்துப் போT - 3 - விடைகள்

2009-06-29T08:57:00.003+05:30

இந்த முறைப் போTக்கு சுமாரான வரவேற்பே இருந்தது. நீண்ட இடைவெளி விட்டு விட்டதால் இருக்கலாம். இந்த முறை முதல் ஆளாக முடித்தது பெனாத்தலார். குறுக்காக 5க்கு குறிப்பு இல்லைங்கிறதையும் சுட்டிக் காட்டினார்(கிட்டத்தட்ட 5 மணி நேரம் கழித்து). அப்பொழுதுதான் கவனித்தேன் - குறுக்காக 5க்கு குறிப்பே எழுதவில்லை. அப்புறம் அவசர அவசரமாக யோசித்து குறிப்பை எழுதினேன்.

இந்த முறை பங்கெடுத்துக் கொண்டவர்களில் கிட்டத்தட்ட எல்லோருமே கட்டங்களை முழுதும் முடித்திருந்தார்கள். எளிதாகவே இருந்திருக்கும் என்று நினைக்கிறேன்.

இனி விடைகளைப் பார்க்கலாம்.

குறுக்காக :
2) ”ல”ட்டைப் பிட்டு + அ”த்தி”க் காம்பில் வைத்தால் = கரிக்கழிவு (3).
விடை : லத்தி.

3) ”சகித்துக் கொள்ள” = அ”ங்”கு இடையை -> நடுவில் தா(க்)கு (3).
விடை : தாங்கு

5) ”சமவெளி நாகரிகத்தின்” -> இறுதி உயிரைத் திரித்து = யோசி (3).
விடை : சிந்தி

7) ”படுதா”மரையில் மறைந்திருப்பது திரை (3).
விடை : படுதா

8) ”கூடம்” இடையில் + “வ”சிக்க ஆரம்பித்தால் = ஆறும் நாறும் (3).
விடை : கூவம்

10) ”வ(கை)”யின் கரத்தில் + மனைவி அமர்ந்தால் = சொகுசு (3).
விடை : வசதி

11) ”தடி” <- நடுவே -> க”ட்”டுப் போட்டால் = மறைக்கலாம் (3).
விடை : தட்டி

12) ”து”ணி வெட்டி + விஞ்ஞான ஜனாதிபதிக்கு -> முடி திருத்தினால் = எடை போடலாம் (3).
விடை : துலாம்.

13) கதராடையில் சரி பாதி கிழித்து + தமய”ந்தி”யின் காலில்லா அண்ணன் இறந்தால் = ஒளி வீசும் (3).
விடை : காந்தி.

15) வலியில் கத்தித் + துள்ளினால் = அக்கினிக்கு உணவு (3).
விடை : ஆகுதி.

16) அறு”வை” அறுத்து + “கை(கரம்)” காலை ஒட்டினால் = மின்னும் கரி (3).
விடை : வைரம்.

17) வள்ளலின் + கரங்களில் = திரும்பிய பெண்மணி (3).
விடை : காரிகை.

நெடுக்காக :

1) ”இவன்” இடையில் + ஆங்கிலத்தில் அதிர்ஷ்டம் தேய்ந்து வந்ததால் = இளையவன் ஆனான் (6).
விடை : இலக்குவன்.

3) ”தகர வரிசை” படிக்கிறாள் = வேலைக்காரி (2).
விடை : தாதி.

4) அங்”கும்” இறுதியாக + சு”ப்ப”ன் நடுவே நுழைந்து = பார்த்தால் சேரி (4).
விடை : குப்பம்.

5) “சித்தனை” அழைத்த + ”மகிழ்ச்சி”யில் ஆணையைத் தொலைத்தால் = தத்துவம் பிறக்கும் (6).
விடை : சித்தாந்தம்.

6) ”சிறையில் இருப்பவன்” திரும்பி வந்தால் = ஆச்சர்யமடை(2).
விடை : திகை

8) ”கூ”டல் தொடங்க + தலையற்று ச”திர்” ஆடும் + நேரம் = நடுங்கும் (6).
விடை : கூதிர்காலம்.

9) ”கொம்பில் ஏறும் செடியில்” + ”முந்தானை”யை படரவிட்டு + ”ஒரு ஸ்வரம்” இசைத்தால் = பழம் சாப்பிடலாம் (6).
விடை : கொடிமுந்திரி.

12) வணங்கி + கைநீட்டி = ஆசிர்வாதம் தரும் (4).
விடை : துதிக்கை.

14) கொ”சுவை”க் கொஞ்சம் நசுக்கினால் = ருசிக்கலாம் (2).
விடை : சுவை.

15) பசுவும் + காக்கையும் சேர்ந்திருந்தால் = பிரமாதம் (2).
விடை : ஆகா.

இப்படியாக, பங்கெடுத்துக் கொண்டவர்கள் அனைவரும், இறுதியில் புதிர் “ஆகா” என்றிருந்ததாக கூறியுள்ளனர்!!!;-)

குறுக்கெழுத்துப் போT - 3

2009-06-11T10:40:00.006+05:30

ஒரு மிக நீண்ண்ண்ட இடைவெளிக்குப் பின்பு, மறுபடி புதிர் பக்கம் வந்து விட்டேன். இன்றைக்கு(அல்லது இந்த மாதம்) குறுக்கெழுத்து புதிர்தான். ரொம்ப நாட்கள் ஆகிவிட்டதால்(கொத்ஸ் கூட மூனு மாசமா லீவு!), உங்களுக்கு குறுக்கெழுத்துக் கேள்விகளைப் பார்த்ததும் தலை சுற்றலாம். அதனால் இது போன்ற (க்ரிப்டிக்) குறுக்கெழுத்துக்கான வாஞ்சிநாதனின் அறிமுகத்தை இங்கே க்ளிக்கி படித்து விட்டு வந்து விடுவது நல்லது. நாங்கல்லாம் இதில் பழந்தின்னு கொட்டை போட்டவங்களாக்கும் என்பவர்கள் டைரக்டாக கீழே கேள்விகளை படிக்க ஆரம்பிக்கலாம்.

விடைகளை இங்கே கட்டங்களிலேயே நீங்கள் நிரப்பிப் பார்க்கலாம். ஆனால் எனக்கு விடைகளை கமெண்டில்தான் சொல்ல வேண்டும். விடை சொல்பவர்களுக்கான மதிப்பெண்கள், அவ்வப்பொழுது இந்தப் பக்கத்தில் அப்டேட் செய்யப்படும்.

1	3	4	5	6
2
		7
	8			9
10			11
		12
	13
14			15
16		17

குறுக்காக :
2) லட்டைப் பிட்டு அத்திக் காம்பில் வைத்தால் கரிக்கழிவு (3).
3) சகித்துக் கொள்ள அங்கு இடையை நடுவில் தாக்கு (3).
5) சமவெளி நாகரிகத்தின் இறுதி உயிரைத் திரித்து யோசி (3).
7) படுதாமரையில் மறைந்திருப்பது திரை (3).
8) கூடமிடையில் வசிக்க ஆரம்பித்தால் ஆறும் நாறும் (3).
10) வகையின் கரத்தில் மனைவி அமர்ந்தால் சொகுசு (3).
11) தடி நடுவே கட்டுப் போட்டால் மறைக்கலாம் (3).
12) துணி வெட்டி விஞ்ஞான ஜனாதிபதிக்கு முடி திருத்தினால் எடை போடலாம் (3).
13) கதராடையில் சரி பாதி கிழித்து தமயந்தியின் காலில்லா அண்ணன் இறந்தால் ஒளி வீசும் (3).
15) வலியில் கத்தித் துள்ளினால் அக்கினிக்கு உணவு (3).
16) அறுவை அறுத்து கை காலை ஒட்டினால் மின்னும் கரி (3).
17) வள்ளலின் கரங்களில் திரும்பிய பெண்மணி (3).

நெடுக்காக :

1) இவன் இடையில் ஆங்கிலத்தில் அதிர்ஷ்டம் தேய்ந்து வந்ததால் இளையவன் ஆனான் (6).
3) தகர வரிசை படிக்கிறாள் வேலைக்காரி (2).
4) அங்கும் இறுதியாக சுப்பன் நடுவே நுழைந்து பார்த்தால் சேரி (4).
5) சித்தனை அழைத்த மகிழ்ச்சியில் ஆணையைத் தொலைத்தால் தத்துவம் பிறக்கும் (6).
6) சிறையில் இருப்பவன் திரும்பி வந்தால் ஆச்சர்யமடை(2).
8) கூடல் தொடங்க தலையற்று சதிர் ஆடும் நேரம் நடுங்கும் (6).
9) கொம்பில் ஏறும் செடியில் முந்தானையை படரவிட்டு ஒரு ஸ்வரம் இசைத்தால் பழம் சாப்பிடலாம் (6).
12) வணங்கி கைநீட்டி ஆசிர்வாதம் தரும் (4).
14) கொசுவைக் கொஞ்சம் நசுக்கினால் ருசிக்கலாம் (2).
15) பசுவும் காக்கையும் சேர்ந்திருந்தால் பிரமாதம் (2).

பி.கு.:-
முதலில் குறுக்காக 5க்கான கேள்வி விடுபட்டுப் போயிருந்ததை, சுட்டிக் காட்டிய பெனாத்தலாருக்கு ஸ்பெஷல் நன்றி!!!

குறுக்கெழுத்துப் புதிர் போT - 2

2008-12-11T10:54:00.004+05:30

போன தடவை குறுக்கெழுத்துப் புதிர் போட்டதோட நிறுத்திக்கலாம்னுதான் நினைச்சேன். ஆனால் போன மாதத் தென்றலில் வாஞ்சிநாதன், நம்ம குறுக்கெழுத்தப் பத்தி ஒரு வரி சொல்லி, லிங்க் வேற குடுத்துட்டார். சரி, நம்மளை ஒருத்தர் இம்புட்டு தூரம் நம்புறாரேன்னு நினைச்சப்ப நெஞ்சம் கனத்தது; கண்கள் பனித்தது; உள்ளம் பூத்தது....!!! அதனால மறுபடி கஷ்டப்பட்டு கு.எ.புதிர் தயார் செய்து விட்டேன்.(ராஜினாமா வாபஸ்!)

இந்த தடவை நம்ம கொத்ஸ், கொஞ்சம் சீக்கிரமாவே அவரோட புதிரை போட்டுட்டார். அதனால் நாமும் இப்ப அதையே பண்ணினால் மக்களுக்கு வெறுத்துப் போயிடும்னு தோனுது. இருந்தாலும் உருவாக்கின புதிரை உடனே போடலைன்னா மண்டை வெடிச்சுடும்னு எங்க குருநாதர் சாபம் ஒன்னு இருக்கு. அதனால இன்றைக்கே போட்டுவிடலாம்னு முடிவு பண்ணிட்டேன். மக்களே, பொருத்தருள்க. இந்த குறுக்கெழுத்தைப் போட்டருள்க.

போன தடவை மாதிரியே மதிப்பெண் பக்கமும் உண்டு. உங்கள் மதிப்பெண்களை விடை சொன்ன அரை மணி நேரத்திற்குள்(அதாவது நான் உங்கள் விடையை பார்த்த பின் அரை மணி நேரத்திற்குள்;-)) இந்தப் பக்கத்தில் தெரிந்து கொள்ளலாம்.

இனியும் ரொம்ப அறுக்காமல், கு.எ.ஐ பார்க்கலாம்

1		2					5
			3
4				6	7	8

					9
	13
14					10
					11
		15		16			12

இடமிருந்து வலம் :-

1) கத்திக் குத்தை உற்றுப் பார்த்தால் நாக்கு குழறும் (3).
4) நினைவை அழித்து வீரத்தின் இறுதியில் பார்த்தால் அதுவே கிடைக்கும் (3).
6) எலும்புச் சாம்பலை அள்ளி ஓரத்தின் ஓரத்தை நறுக்கி கூர்மையான அயுதம் செய் (5).
10) திராவிடர் முன்னேற்றக் கழகம் திரும்பிய ஊர் (3).
14) பெண் குழந்தை (5).

மேலிருந்து கீழ் :-

1) திருட்டு முழி புத்திரி செல்வம் தேடித் தருவாள் (5).
2) குடுமிக்கு முடிவெட்டிப் பொட்டு வைத்து இன்பத்தில் முடிந்தால் வீடு வந்து சேரும் (5).
5) பிரயாணத்தின் நடுவே காணாமல் போய்விட்டால் கிலி பிடிக்கும் (3).
6) குசினிக்கு அடுத்த பாதியில் நீக்கு (5).
8) வைரத்தின் முனை மழுங்கினால் திருப்பிச் சுடலாம் (2).
9) பொட்டிழந்த கையைத் திருப்பி புகைப் பிடித்தால் ரத்தினம் கிடைக்கும் (5).
13) எனது பூஜ்யம் மிகுந்த கணிதத்தின் அடிப்படை (2).
14) எருமைத் தலையில் ஒரு உண்மை சேர்த்தால் உயர்வு (3).

வலமிருந்து இடம் :-

3) இடைஞ்சல் செய்ய உயிர்மாறிய தலையில் தொடு (2).
5) ஒட்டுவதைத் தேய்த்து இலையை வெட்டி வியாதி வந்தால் தேகம் மெலியும் (3,2).
9) அசுரத்தச்சன் ஈறு கெட்டு தலையில்லாமல் அருகில் வந்தால் நினைவிழக்க நேரிடும் (5).
11) தருதலை ஒரு மரமண்டை தெரியுமா? (2).
12) ஓசை கொஞ்சம் குறைந்தால் கௌரவக் கணக்கு இறுதியுமாகுமே (3).
16) முன்னோர் பொருளுடன் உரியது. இப்பொழுது பெண்களுக்கும் உண்டு. (5).

கீழிருந்து மேல் :-

7) சுழியில்லா நெருப்பு வலையில் சிறு துளி சுரக்கும் (3).
12) தெருக்கள் கூடுமிடத்தில் வீரன் வந்தால் தலை தப்பாதாயினும் ஒளி கிடைக்கும் (5).
15) யானையின் கை உடைந்தால் பறந்து விடும் (3).

பின் குறிப்பு :-

இது போன்ற புதிர்களுக்கு வாஞ்சி அவர்கள் தந்திருக்கும் ஒரு எளிய அறிமுகத்தை இங்கே படிக்கலாம்.

காஸினோ - விடை

2008-12-01T16:10:00.006+05:30

இந்தப் புதிர் கொஞ்சம் கஷ்டமானதுதான். வெண்பூ ஒருவர் மட்டும் சரியான விடை கண்டுபிடித்திருக்கிறார்.

இந்தப் புதிரில், ஒவ்வொரு சீட்டுக்கும், கலைத்தலுக்குப் பின் இடம் மாறுவதற்கு மொத்தம் பன்னிரெண்டு இடங்கள் உள்ளன. அதாவது A இடம் மாறுவதற்கு இரண்டாம் இடத்திலிருந்து, 13வது இடம் வரை வாய்ப்பிருக்கிறது. அதே போல் "2" இடம் மாறுவதற்கு ஒன்றாவது இடமும், 3லிருந்து 13வரையும் வாய்ப்புள்ளது. எந்தச் சீட்டும் கலைத்தலுக்குப் பின், முன்பிருந்த இடத்திலேயே இருக்க முடியாது. அப்படி இருந்தால், அந்தச் சீட்டு எல்லா கலைத்தலின் போதும் அதே இடத்திலேயே இருக்கும்.

இப்பொழுது A இடம் மாறுவதற்கு மொத்தம் 12 வாய்ப்புகள் என்பதால், அந்த 12 வாய்ப்புகளையும் சோதித்துப் பார்த்து விட்டால், விடையை கண்டுபிடித்து விடலாம்.

முதலில் A முதல் கலைத்தலுக்குப் பின் இரண்டாவது இடத்துக்கு செல்கிறது என்று வைத்துக் கொள்வோம்.

அப்படியென்றால் இரண்டாவது கலைத்தலுக்குப் பின் இரண்டாம் இடத்தில் இருக்கும் 9, முதல் கலைத்தலுக்குப் பின் முதல் இடத்தில் இருந்திருக்க வேண்டும்.

இப்பொழுது 9வது இடத்திலிருப்பது கலைத்தலுக்குப்பின் முதல் இடத்துக்கு வரும் என்பது நமக்குத் தெரிவதால், இரண்டாவது கலைத்தலுக்குப்பின் முதல் இடத்தில் இருக்கும் 10, முதல் கலைத்தலுக்குப் பின் 9வது இடத்தில் இருந்திருக்க வேண்டும்.

இப்பொழுது 10வது இடத்திலிருப்பது 9வது இடத்துக்கு வருகிறது. அப்படியென்றால், இறுதியில் 9வது இடத்திலிருக்கும் 5, முதல் கலைத்தலுக்குப் பின் 10வது இடத்தில் இருந்திருக்க வேண்டும்.

இப்படியே நிரப்பிக் கொண்டு சென்றால் நமக்கு இறுதியில் கிடைக்கும் வரிசை 10, 9, Q, 8, K, 3, 4, A, 5, J, 6, 2, 7

சரி, Ace இரண்டாவது இடத்துக்குச் சென்றால் என்ற சாத்தியக்கூறு சரியாக வருகிறது. Ace, 3வது இடத்துக்குச் சென்றால்...? Ace 4வது இடத்துக்குச் சென்றால்...? கிழே கொடுக்கப்பட்டுள்ள அட்டவணையைப் பார்த்தால், Ace இரண்டாவது இடத்தைத் தவிர மற்றெந்த இடத்துக்குச் சென்றாலும், சரியான வரிசை அமைக்க முடியாது. முரண்பாடு வரும்.

Click on the image to view bigger

ஆகையால், A இரண்டாவது இடத்துக்குச் செல்வது ஒன்று மட்டும்தான் சாத்தியமான வழிமுறை ஆகிறது. ஆகையால் 10, 9, Q, 8, K, 3, 4, A, 5, J, 6, 2, 7 என்ற வரிசையே சரியானது. அதுவே முதல் கலைத்தலுக்குப்பின் கிடைக்கும் வரிசை என்று முடிவாகிறது.

காஸினோ

2008-11-24T11:49:00.003+05:30

காஸினோக்களுக்கு எத்தனை பேர் போயிருக்கிறீர்கள்(அதாங்க, ஜூதாட்ற கிளப்பு). வெளிநாடுகளில் வசிப்பவர்களில் சிலர் போயிருக்கலாம். போகாதவகர்கள், அட்லீஸ்ட் ஜேம்ஸ் பாண்ட் படத்திலாவது அந்த க்ளப்களை பார்த்திருப்பீர்கள். அப்படிப்பட்ட சில க்ளப்களில் சீட்டாட்டங்களுக்காக சீட்டுக்களை கலைப்பதற்கு தனி மெஷின் இருக்கும்.

அப்படித்தான் ஒரு க்ளப்பில் ஒரு மெஷின் இருந்தது. அந்த மெஷின் ஒவ்வொரு முறையும் சீட்டுகளை ஒரே விதமாகத்தான் கலைக்கும். அதாவது உதாரணத்துக்கு, கலைப்பதற்கு முன் முதலாவதாக இருந்த சீட்டு, கலைத்தபின் ஐந்தாவதாக இருக்கும் என்று வைத்துக் கொண்டால், ஒவ்வொரு கலைப்பிலும் முதலாவதாக இருந்த சீட்டே ஐந்தாவது இடத்துக்கு வரும்.

இப்பொழுது ஒரு சீட்டுக் கட்டில் ஸ்பேட்(Spade) வகை சீட்டுக்களை மட்டும் எடுத்துக் கொள்வோம். அவை வரிசையாக A,2,3,4...10,J,Q,K என்று அடுக்கப்பட்டுள்ளது. மொத்தம் 13 சீட்டுக்கள். இவற்றை அப்படியே அந்த மெஷினில் வைத்து கலைக்கிறோம். பின் மீண்டும், கலைந்த சீட்டுக்களை அப்படியே வைத்து, இன்னொரு முறை கலைக்கிறோம். இப்பொழுது சீட்டுக்களை வெளியே எடுத்துப் பார்த்தால், அவை 10,9,Q,8,K,3,4,A,5,J,6,2,7 என்ற முறையில் அடுக்கப்பட்டிருந்தது.

அப்படியென்றால் முதல் கலைத்தலுக்குப் பின், சீட்டுக்களின் வரிசை எப்படி இருந்திருக்கும்? கண்டுபிடிக்க முடியுமா?

	_1		_2	__	__	_3	__		_4	__
_5	__	__	__			__		_6	__
	__		_7	__	__	__	__		__
_8	__	__	__			__		_9	__	10
__			11	__	12		13	__		__
__		14			__			__		__
__		15	__		16	__	17			__
18	19	__		20			21	__	22	__
	__		23	__	__	__	__		__
	24	__		__			25	__	__	__
26	__		27	__	__	__	__		__

	_1		_2	__	__	_3	__		_4	__
_5	__	__	__			__		_6	__
	__		_7	__	__	__	__		__
_8	__	__	__			__		_9	__	10
__			11	__	12		13	__		__
__		14			__			__		__
__		15	__		16	__	17			__
18	19	__		20			21	__	22	__
	__		23	__	__	__	__		__
	24	__		__			25	__	__	__
26	__		27	__	__	__	__		__

	_1		_2	__	__	_3	__		_4	__
_5	__	__	__			__		_6	__
	__		_7	__	__	__	__		__
_8	__	__	__			__		_9	__	10
__			11	__	12		13	__		__
__		14			__			__		__
__		15	__		16	__	17			__
18	19	__		20			21	__	22	__
	__		23	__	__	__	__		__
	24	__		__			25	__	__	__
26	__		27	__	__	__	__		__